Stjórnvöld í Tsjad heita á þjóðina að verja landið

Forsætisráðherra Tsjads sagði í þingræðu að málaliðar, sem súdanska stjórnin greiði fyrir ofbeldisverk, hafi hertekið nokkra bæi í Mið-Afríkulýðveldinu, sem liggja nærri landamærunum við Súdan. Ummæli ráðherrans þykja bera öruggt vitni um að átökin í Súdan séu að færast í aukana, svo mjög að þau séu farin að smita yfir í nágrannalöndin í auknum mæli.

Hann sagði einnig að súdanskir hermenn hafi endurtekið ráðist inn í Tsjad, sem hafi í för með sér spennu og ofbeldi milli trúarhópa, sem hafi orðið 300 manns að bana í austurhluta Tsjad á síðustu vikum.