Myrti dóttur sína til að hefna framhjáhalds eiginkonunnar

Breskur karlmaður var í dag dæmdur í lífstíðarfangelsi fyrir að myrða þriggja ára gamla dóttur sína með klóróformi fyrir tæpu ári síðan. Maðurinn reyndi einnig að fremja sjálfsvíg eftir ódæðið. Hann segist hafa framið ódæðið í hefndarskyni eftir að hann komst að því að eiginkona hans hélt fram hjá honum.

Hann gaf dóttur sinni þunglyndislyf til að slæva hana og hélt síðan klóróformvættri tusku fyrir vitum hennar. Hann neitaði fyrir rétti kæru um morð og en játaði manndráp og bar við skertri dómgreind, þar sem hann hafi sjálfur verið búinn að taka inn slævandi lyf.

Dómarinn sagði í dag að maðurinn myndi sitja inni í að minnsta kosti 15 ár af lífstíðardómnum.