260 þúsund tonn af olíu gætu lekið í Eystrasaltið

Flutningaskipið Finnbirch hafði fulla tanka, samtals um 260 þúsund tonn af olíu þegar það sökk í aftakaveðri í kvöld á milli eyjanna Eylands og Gotlands. Vaktstjóri hjá sænsku strandgæslunni segir engin merki um það enn að olían sé farin að leka en segir að möguleikinn sé alltaf til staðar. Hvöss norðnorðaustanátt er enn á slysstaðnum og eins er enn saknað.

"Það er enn óvíst hvort það lekur nokkur olía út og ef svo færi, hversu hratt og mikið það verður. En hættan er alltaf til staðar í svona slysum," segir Bengt Wickbom, vaktstjóri hjá sænsku Strandgæslunni. Hann bendir einnig á að ef einhver olía lekur út þá veltur það mikið á vindátt og straumum hversu slæm staðan verður.