Hart sótt að Færeyingum í Norðurlandaráði

Fyrir einu ári var lagt fram frumvarp á Færeyska lögþinginu um verndun réttinda samkynhneigðra. Það var fellt með yfirgnæfandi meirihluta og sögðu nokkrir þingmenn, við það tækifæri, að karlmenn sem lægju með karlmönnum kæmust ekki til himnaríkis.

Rannveig Guðmundsdóttir segir að þetta sé ekki mál Færeyinga einna. Það sé mál allrar heimsbyggðarinnar að tryggja mannréttindi og mannréttindi hljóti líka að eiga að gilda í Færeyjum.

Danski þingmaðurinn Mogens Jensen, segir að það sé óþolandi að miðalda hugsunarháttur viðgangist í Færeyjum og norræn samstaða gegn slíku verði vonandi til þess að Færeyingar sjái að sér.

Málið verður tekið aftur upp á færeyska lögþinginu í nóvember, og Norðurlandaþjóðirnar vilja reyna að tryggja að það fái betri afgreiðslu en síðast.