Brenndu 60 tonn af eiturlyfjum

Í tilefni af alþjóðadeginum gegn eiturlyfjum sýndu yfirvöld í Íran afstöðu sína gegn eiturlyfjum í verki með því að brenna rúmlega 60 tonn af eiturlyfjum á almannafæri í Tehran í dag. Efnin voru úr vörslu lögreglunnar sem hún hafði gert upptæk í ýmsum eiturlyfjaáhlaupum.

Eiturlyfjunum var hrúgað upp á miðjum íþróttavelli og yfir brennunni hékk áróðursborði með mynd af djöflinum með ópíumvalmúa í hönd. Ýmis áróður og aðgerðir hafa verið víða um heim í dag vegna alþjóðaátaksins gegn eiturlyfjum.

Rússnesk hvöttu einnig til alþjóðlegs átaks gegn eiturlyfjainnflutningi frá Afganistan. Talið er að mest allt magn heróíns sem flutt er inn til Rússlands sé upprunnið í Afganistan. Þaðan dreifast eiturlyfin síðan um gjörvallan heim.