Ellefu ára stúlku nauðgað

Bretar eru slegnir óhug eftir að ellefu ára stúlku var nauðgað inni á salerni í matvöruverslun í Lemington Spa í Warwickshire í Bretlandi. Stúlkan var með móður sinni í innkaupaleiðangri fyrir helgi og brá sér á klósettið en þar réðst á hana maður um tvítugt og nauðgaði henni.

Stúlkan gat gefið nokkuð góða lýsingu á manninum og hefur teikningum af honum verið dreift til almennings. Þeim er heitið hátt í þremur og hálfri milljón króna sem veitt getur upplýsingar sem leiða til handtöku mannsins. Lögreglan hefur þegar fengið nokkrar vísbendingar.