Fatah leitar til hæstaréttar

Fatah-samtök Mahmous Abbas, forseta Palestínumanna, hafa farið þess á leit við hæstarétt Palestínumanna að hann felli úr gildi þá ákvörðun Hamas-liða á þingi í gær að fella úr gildi ný lög sem auka vald forseta.

Hamas-liðar eru í meirihluta á þingi heimastjórnarinnar og voru lögin sem um ræðir sett á síðasta þingfundi fyrra þings þar sem Fatah-liðar voru í forystu.

Þingmenn Fatah segja meirhluta þings fara á svig við setta reglur með ákvörðun sinni. Þeir sniðgengu þingfund í morgun í mótmælaskini. Deilur fylkinganna verða háværari með hverjum deginum en Hamas vann stórsigur í þingkosningunum í janúar.