Eykur vantraust Serba

Serbnesk stjórnvöld telja að dauði Milan Babic muni auka vantraust flestra Serba í garð Stríðsglæpadómsstólsins í Haag.

Babci var leiðtogi uppreisnarhóps Serba í Króatíu í stríðinu í fyrrum Júgóslavíu á síðasta áratug. Hann er jafnframt talinn hafa verið einn helsti bandamaður Slobodans Milosevic, fyrrverandi forseta Júgóslavíu. Babic svipti sig lífi í gær í fangelsi í Haag í Hollandi.

Sebar voru margir hverjir slegnir yfir dauða Babic í dag og nokkra samúð var að finna meðal þeirra í hans garð. Stríðsglæpadómstólinn í Haag sakfelldi Babci fyrir glæpi gegn mannkyninu árið 2004 og afplánaði hann þrettán ára fangelsi. Hann var mikilvægt vitni í réttarhöldunum yfir Slobodan Milosevic og er óvíst hvaða áhrif dauði hans hefur á þau réttarhöld. Hafin hefur verið rannsókn á sjálfsmorðinu.