Aðgerðir gegn Írönum ræddar í öryggisráði Sameinuðu Þjóðanna

Viðræður eru þegar hafnar um hugsanlegar aðgerðir gegn Írönum vegna kjarnorkuþróunar þeirra. Fulltrúar fimm landa sem eiga fast sæti í öryggisráði Sameinuðu Þjóðanna hittust í gærkvöldi til að fjalla um mögulegar leiðir til að stöðva Írana. Í gær var ákveðið að vísa málinu til öryggisráðsins, þar sem það verður formlega tekið fyrir í næstu viku. Nokkuð virðist bera í milli Bandaríkjamanna og Rússa, því að utanríkisráðherra Rússa sagði í gær að efnahagsþvinganir væru ekki nein lausn og þaðan af síður hernaðaraðgerðir. John Bolton, sendiherra Bandaríkjanna hjá Sameinuðu Þjóðunum segir hins vegar nauðsynlegt að beita Írana hörðu þegar í stað.