Matarbirgðir SÞ í Kenía senn á þrotum

Matarbirgðir Matvælahjálpar Sameinuðu þjóðanna í Kenía eru senn á þrotum. Þrjár komma fimm milljónir Keníumanna reiða sig alfarið á stofnunina en miklir þurrkar hafa gert það að verkum að uppskera í landinu hefur brugðist aftur og aftur.

Nú stefnir í óefni því Matvælahjálpin hefur einungis fengið tíunda hluta þess fjár sem henni hefur verið lofað til kaupa á vistum. Ástandið er slæmt víðar í Afríku. Stjórnvöld í Zimbawbe segja að kornbirgðir landsins verði uppurnar innan hálfs mánaðar og í Sómalíu hefur fólk hreinlega dáið úr þorsta vegna þurrka undanfarinna mánaða.