Bandaríkjamenn og Rússar ósammála

Vaxandi ágreiningur Bandaríkjamanna og Rússa kom berlega kom í ljós á fundi utanríkisráðherra landanna í gær. Condoleeza Rice og Sergei Lavrov hikuðu ekki við að vera ósammála á blaðamannafundi í Washington í gær, sem er afar óvenjulegt eftir fundi sem þessa.

Rice sagðist hafa áhyggjur af lýðræðisþróuninni í Rússlandi, en því svaraði Lavrov með því að Rússar hefðu líka áhyggjur af yfirgangi Bandaríkjamanna í hinum ýmsu málum.

Þegar nokkuð var liðið á fundinn og rússneskur blaðamaður spurði Rice spurningar, kom á hana fát og hún spurði Lavrov hvort hann hefði komið þessari spurningu til blaðamannsins.

Eitt virðast Rússar og Bandaríkjamenn þó sammála um í augnablikinu, að Íranar megi alls ekki halda áfram auðgun úrans.