Þekkja ekki merki Rauða krossins

Írak, AP Starfsmönnum Rauða krossins stafar meiri hætta af bandarískum hermönnum í Írak en átökunum þar í landi. Ástæðan er sú að fjölmargir þeirra þekkja enn ekki merki stofnunarinnar, sem í löndum íslamstrúar er rauður hálfmáni í staðinn fyrir kross.

„Við þurfum að eyða miklum tíma í að útskýra Rauða hálfmánann,“ sagði Jamal Al-Karbouli, yfirmaður Íraksdeildar Rauða krossins á blaðamannafundi í Genf í gær.

Talsmenn Bandaríkjahers í Írak sögðu hermenn sína reyna að sýna virðingu þegar að samskiptum þeirra við almenna borgara í Írak kemur, en höfðu að öðru leyti ekkert um þetta mál að segja.