Hörð átök við öryggismúr Ísraela í Bilin

Palestínskur mótmælandi slasaðist alvarlega þegar öryggismúr Ísraela á Vesturbakkanum var mótmælt í dag. Mótmælin fór fram í Bilin nálægt borginni Ramallah á Vesturbakkanum. Mótmælendur köstuðu grjóti að ísraelskum hermönnum sem svöruðu með táragasi og skutu gúmmíkúlum á mótmælendur til að stöðva aðgerðir þeirra.

Fjölmargir mótmælendur slösuðust lítillega og fimmtán voru handteknir. Mótmælin í Bilin eru vikulegur viðburður en íbúar þar eru ósáttir við að Ísraelsmenn hafi lagt undir sig rúmlega tvö þúsund og þrjú hundruð ferkílómetra landsvæði svo hægt sé að færa múrinn svo hann verji landtökubyggð Gyðinga á svæðinu sem hefur vaxið hratt á skömmum tíma með byggingu mörg hundruð nýrra húsa.