Rússnesku skipverjunum fagnað

Rússneskir fjölmiðlar fögnuðu skipverjum á rússneska togaranum Elektron sem þjóðhetjum þegar togarinn lagðist að bryggju í Múrmansk í gærkvöldi eftir sögulegan flótta undan norsku strandgæslunni síðan á laugardag. Norskir fjölmiðlar tala hins vegar um hetjudáð norsku strandgæslumannanna sem hafðir voru í gíslingu í togaranum í nokkra sólarhringa.  Eins og greint hefur verið frá voru Norðmennirnir tveir fluttir yfir í rússneskt herskip í fyrradag og skilað þaðan í hendur Norðmanna, en þeir fóru um borð í togarnn þegar hann var sataðinn að ólöglegum veiðum við Svalbarða á laugardag. Fulltrúar allara helstu fjölmiðla Rússlands voru á bryggjunni í Múrmansk þegar togarinn lagðist að, en norskum fjölmiðlamönnum var haldið í fjarlægð. Þamnn skugga bar á móttökuna að sjúkrabíll beið á bryggjunni til að taka við skiptstjóranum, sem sagður er hafa fengið hjartaáfall, og var hann fluttur beint á sjúkrahús. Sjávarútvegsráðhera Rúslands segir í blaðaviðtali að skipstjórinn hafi verið í erfiðri stöðu þar sem lífi skipverja hafi verið ógnað, en honum hafi tekist að komast undan hættunni. Ennfremur segir han að leysa verði ágriening um fiskveiðimál við Svalbarða með samningum, en ekki valdi. Norskir fjölmiðlar minnast hinsvegar ekki einu orði á ágreining um yfirráð á Svalbarðasvæðinu, hvað þá heldur að norsku strandgæslunni hafi verið í lófa lagið að taka togarnn, en leggja áherslu á hetjudáð norðmannanna, sem voru í nokkra daga í gíslingu um borð í togarnum.