Rice þrýstir á Norður-Kóreu um að hverfa frá kjarnorkuvopnaáætlun sinni

Utanríkisráðherra Bandaríkjanna, Condoleeza Rice, segir Norður-Kóreumenn verða að hverfa frá kjarnorkuvopnaáætlun sinni og það strax. Lýsti Rice vonbrigðum sínum með afstöðu norður-kóreskra stjórnvalda í síðustu lotu sex ríkja viðræðna sem lauk í Peking á föstudaginn án þess þó að árangur næðist. Þá lýsti Donald Rumsfeld, varnarmálaráðherra Bandaríkjanna, vonbrigðum sínum yfir Norður Kóreumönnum, sem hefðu á engan hátt sýnt að þeir ætluðu að hverfa frá áætlunum sínum um að framleiða kjarnavopn eins og þeir hefðu gefið til kynna að þeir ætluðu að gera.