Þjóðarflokkurinn vill banna höfuðklúta í skólum

Næstum annar hver Dani er þeirrar skoðunnar að banna eigi stúlkum sem eru múslimatrúar að klæðast höfuðklútum í grunnskólum. Þjóðarflokkurinn er eini stjórnmálaflokkurinn sem vill lögleiða bann og þá að franskri fyrirmynd. Þetta kom fram í könnun þar sem 1028 Danir voru spurðir álits hvort taka ætti upp bann þar sem stúlkum væri bannað að klæðast höfuðklútum í grunnskólum. Könnunin var unnin af rannsóknarstofnunni Zapera fyrir dagblaðið metroXpress. Alls voru 46% aðspurðra fylgjandi því að lögleiða ættu bann við að klæðast höfuðklútum í grunnskólum en 41% aðspurðra voru á móti því að lögleiða bann. Þjóðarflokkurinn vill lögleiða bann við höfuðklútum, líkt og gert var í Frakklandi. Flokkurinn flutti frumvarp þess efnis fyrir fjórum árum en það fékk ekki hljómgrunn meðal annarra stjórnmálaflokka í Danmörku. Politiken greinir svo frá.