Óeirðirnar í rénun

Óeirðirnar í Frakklandi eru í mikilli rénun og talsmenn lögreglunnar sögðu í gærkvöldi að glæpir væru nú engu fleiri en áður en alda óeirða blossaði upp fyrir tæpum þremur vikum.

Á miðvikudagskvöldið var kveikt í tæplega hundrað bílum, sem er svipað og flestar nætur áður en óeirðirnar miklu hófust. Þrátt fyrir það voru um tíu þúsund lögreglumenn á vakt í nótt, ef ske kynni að óeirðirnar myndu breiðast út á ný. Alls hafa meira en níu þúsund bílar verið eyðilagðir undanfarnar þrjár vikur í Frakklandi og meira en níu þúsund manns handteknir.

.