Hræðsla óþörf

Sala á kjúklingakjöti hefur tekið dýfu í Frakklandi vegna hræðslu við fuglaflensu - hræðslu sem er algjörlega ástæðulaus.

Sextíu og tveir hafa látist í Asíu úr fuglaflensu á síðustu tveimur árum. Veiran hefur fundist í fuglum í Rússlandi, Tyrklandi, Rúmeníu og Króatíu. Hættan er að vírusinn breytist fyrr eða síðar þannig að smit berist milli manna. Það hefur þó enn ekki gerst. Öll umræðan um veikina hefur þó sín áhrif. Vegna hræðslu hefur salan á kjúklingakjöti í Frakklandi minnkað um 25% á einni viku.

Slátrarinn Jocelyn Jeusselin frá Frakklandi segir umræðu og fréttir síðust vikna hafa haft áhrif á sölu kjúklingakjöts auk þess sem mikið sé spurt um hugsanlega hætt. Hún segir þó enga hættu á ferðum nema að fólk hyggist borða hráa kjúklinga. "Hér borða menn eldaða kjúklinga og því er hættan lítil," sagði slátrarinn.

Læknar segja þó hættuna litla sem enga - jafnvel minni en það. Doktor Jean Paul Stahl, hjá smitsjúkdóma eftirlitinu breska, segir það fásinnu í fólki að hætta að borða kjúklingakjöt. "Hættan er engin," segir hann. "Smitleiðin er slík að hættan af því að borða kjúklinga er hverfandi."

Hinum megin götunnar við slátrarann er apótek þar sem flensulyfið Tamiflu rennur út eins og heitar lummur. Lyfsalinn þar segir þrjár til fjórar beiðnig berast á dag um lyfið.