Sjimpansar ekki vinir í raun

Sjimpansar eru ekki vinir í raun. Þetta er í stuttu máli niðurstaða rannsóknar vísindamanna við Kaliforníuháskóla í Bandaríkjunum. Athugað var hvort sjimpansar, sem afhentur væri matur, deildu honum með öðrum sjimpönsum sem ekki fengju mat. Þil var á milli apanna með litlu gati sem gaf möguleika á að deila kræsingunum. Niðurstaðan þykir koma á óvart, sérstaklega í ljósi þess að aparnir sem rannsakaðir voru höfðu tilheyrt sama hópi í dýragarði í fimmtán ár. Það sem þykir enn merkilegra er að samskonar rannsókn, sem gerð hefur verið á sjimpönsum sem lifa villtir, gaf alveg öfuga niðurstöðu.