Ole Stavad nýr forseti Norðurlandaráðs

Danski þingmaðurinn Ole Stavad verður forseti Norðurlandaráðs á árinu 2006. Hann var einróma kjörinn á Norðurlandaráðsþingi sem lauk nú í Reykjavík klukkan tvö. Hann tekur við að Rannveigu Guðmundsdóttur, þingmanni Samfylkingarinnar, sem gengt hefur embættinu á þessu ári.

Ole Stavad hefur verið formaður dönsku sendinefndarinnar í ráðinu síðastliðin fjögur ár. Nýr varaforseti Norðurlandaráðs verður einnig danskur, en hann heitir Kristian Pihl Lorentzen. Danir fara með formennsku í Norðurlandaráði á næsta ári og því verður Norðurlandaráðsþing í Kaupmannahöfn að ári.