Vilja draga úr tryggingum

Stærstu tryggingafélög heims á sviði flugmála íhuga að hætta að tryggja flugfélög fyrir árásum á farþegaflugvélar þar sem notuð eru efnavopn og geislavirk efni. Láti þau verða af þessu þurfa Evrópuríki væntanlega að gangast í ábyrgðir fyrir flugfélögin líkt og þau gerðu eftir hryðjuverkaárásirnar 11. september 2001. Bandarísk stjórnvöld eru þegar í ábyrgðum fyrir þarlend flugfélög vegna þessa og því hefur þetta ekki áhrif þar. Stjórnendur SAS og British Airways segja að tryggingafélög þeirra hafi þegar sagst vilja fella þessar tryggingar niður.