Einn heima með látinni móður

Lögregla í Edinborg braust inn í íbúð í Leith um helgina og fann þar þriggja ára gamlan dreng illa á sig kominn. Í íbúðinni var einnig lík móður hans en talið er að hún hafi látist hálfum mánuði áður. Amma hnokkans gerði lögreglu viðvart þegar hún hafði ekki heyrt frá mæðginunum í alllangan tíma. Þegar hún sá barnabarn sitt sagði hún það helst líkjast beinagrind. Talið er að Michael litli hafi dregið fram lífið á kexi og öðru sem hann fann í eldhússkápum. Ekki er talið að dauða konunnar hafi borið að með grunsamlegum hætti.