Viðbúnaður vegna Wilmu víða

Wilma kostaði tíu manns lífið á Haítí þar sem aurskriður urðu í kjölfar mikillar rigningar. Síðan hefur henni vaxið ásmegin og ef fer sem horfir verður hún af kröftugustu gerð fellibylja þegar hún skellur á Kúbu og Mexíkó. Hún er ný þegar öflugasti atlantshafsfellibylur sem mælst hefur. Vindhraðinn í henni var til að mynda ríflega sextíu og sex metrar á sekúndu í morgun. Wilma er tuttugasti og fyrsti hitabeltisstormurinn á þessu svæði á þessu ári og og tólfti fellibylurinn. Þeir hafa aldrei verið fleiri. Mexíkóflói er þessu til viðbótar óvenjuhlýr sem verður þess valdandi að byljirnir eru kraftmeiri en oftast áður. Á Yukatanskaga og á vesturhluta Kúbu hefur verið gripið til víðtækra varúðarráðstafana, enda stefnir allt í að úrhellisrigning drekki borgum og bæjum þar. Á Mexíkóflóa er einnig verið að undirbúa yfirreið Wilmu og er óttast að hún valdi röskum á olíuvinnslu þar. Verð á heimsmarkaði hefur hækkað nokkuð vegna þessa og sömu sögu er að segja um verð á appelsínusaga þar sem appelsínubændur á Flórída óttast um uppskeruna sína.