Öflugur eftirskjálfti í Kasmír

Öflugur eftirskjálfti reið yfir Kasmírhérað í morgun en ekki hafa fengist upplýsinga um hversu stór hann var. Skjálftinn vakti mikinn ótta meðal hjálparstarfsmanna og fórnarlamba stórskjálftans sem varð yfir fimmtíu og fjögur þúsund manns að bana fyrir rúmri viku en sá skjálfti var 7,6 á Richter. Undanfarna daga hafa þyrlur ferðast til svæða sem urðu illa úti en ekki hefur náðst til fyrr en nú. Talið er að mörg þúsund manns þarfnist læknisaðstoðar og er talið að á þriðju milljón manna séu heimilislausir eftir skjálftana tvo.