Clark myndar samsteypustjórn

Helen Clark, starfandi forsætisráðherra Nýja Sjálands, kynnti í gær samkomulag sem flokkur hennar, Verkamannaflokurinn, hefur gert við þrjá smjáflokka um myndun nýrrar ríkisstjórnar undir sinni forystu. Á óvart kemur að leiðtogi flokks sem er mjög andsnúinn frekari innflytjendastraumi til landsins verður utanríkisráðherra. Nýi utanríkisráðherrann, Winston Peters úr flokknum "Nýja Sjáland fyrst", mun þó ekki sitja ríkisstjórnarfundi. Í þingkosningum í síðasta mánuði fékk Verkamannaflokkurinn 50 af 121 þingsæti en höfuðkeppinauturinn, hinn Þjóðarflokkurinn, 48. Með samkomulaginu hefur Clark tryggt sér setu við stjórnvölinn þriðja kjörtímabilið í röð.