Tölvupóstur með tengli á barnaklám

Tölvupóstur með tengli á barnaklámssíður fer nú um eins og eldur í sinu í Danmörku. Danska lögreglan hefur fengið yfir tvö hundruð tilkynningar vegna þessa. Ronald Pedersen, yfirmaður rannsóknardeildar um upplýsingatækni hjá dönsku lögreglunni, segir að þessi tjöldatölvupóstur innihaldi ekki beinar myndir af barnaklámi. Hann segir þó að í tölvupóstinum sé lítil mynd sem geti stuðað fólk, þó um eiginlegt barnaklám sé ekki að ræða. Í tölvupóstinum segir að tengillinn sé inn á slóð á barnaklámssíðu. Lögreglan hefur ítrekað athugað netsíðuna án þess að hafa fundið eitthvað ólöglegt þar sem síðan sé ekki virk. Ronald segir að allt bendi til þess að eigandi síðunnar fái greiðslu í hvert sinn sem fólk fer inn á hana. Politiken greindi svo frá fyrr í dag.