Atvinnuleysi meðal innflytjenda

Ný dönsk rannsókn sýnir að 2. kynslóða innflytjendur eiga erfiðara með að fóta sig á atvinnumarkaðinum en áður var talið. Töluverðar breytingar hafa orðið á atvinnuþáttöku fólks af erlendum uppruna frá því árið 2001. Þetta kemur fram í rannsókn sem unnin var af landssambandi stéttafélaga í Danmörku, LO. Tölurverð breyting hefur orðið á atvinnuþátttöku meðal 2.kynslóða innflytjenda síðan árið 2001. Niðurstöður rannsóknarinnar benda til að aðeins 58,9% karla og 56,4% kvenna af erlendum uppruna séu úti á atvinnumarkaðinum. Það er 4,2% minni atvinnuþátttaka meðal karla og 5,5% minni atvinnuþátttaka meðal kvenna en árið 2001. Marie-Louise Knuppert, framkvæmdarstjóri LO, segist vera fullviss um að atvinnuþáttaka fólks af erlendum uppruna tengist menntun og þá sérstaklega iðnmenntun. Hún segir mikilvægt að tryggja að allir iðnemar fái starfssamning svo þeir eigi greiða leið út á atvinnumarkaðinn að námi loknu. Knuppert segir að reynslan sýni að fólk af erlendum uppruna, sem menntar sig í Danmörku, búi við sömu tækifæri og Danir á vinnumarkaðinum. Politiken greindi svo frá í morgun.