Fannst á lífi eftir átta daga

Björgunarmenn fundu stúlkubarn á lífi í húsarústum í Pakistan í gær, átta dögum eftir að jarðskjálfti upp á 7,6 á richter reið yfir landið. Stúlkan fannst í rústum þorpsins Sanghar nálægt borginni Balakot sem var jöfnuð við jörðu í jarðskjálftunum þann 8. október. Talsmaður pakistanska hersins, segir líðan stúlkunnar góða. Tala látinna vegna hafmfaranna í Pakistan og á Indlandi er nú komin yfir 50 þúsund og hafa yfir milljón manns misst heimili sín. Um 60 fangar eru taldir hafa sloppið úr Muzaffarabad fangelsinu í pakistanska hluta Kasmír héraðs eftir Suður Asíu jarðskjálftanum fyrir átta dögum. Fangarnir höfðu flestir hlotið dauðadóm. Stjórnvöld segja að 15 fangar hafi látist í jarðskjálfanum og 40 hafi særst. Talið er að um 60 fangar, af þeim um 120 föngum sem voru í fangelsinu, hafi tekist að flýja. Fangelsið hýsir einkum fanga sem hlotið hafa dauðadóm og bíða aftöku eða endurupptöku mála sinna. Aðeins ein fjögurra fangelsisbygginganna stendur enn eftir skjálftann. Þrátt fyrir að tugir manna séu dæmdir til dauða árlega í Pakistan, þá eru aðeins um fjórar til fimm aftökur á ári. Sé dauðadómi áfrýjað getur það tekið mörg ár að fá mál tekin upp á ný fyrir dómstólum í landinu.