Lítill krónprins fæddur

Drengurinn, sem ætlað er að taka við stjórn elsta konungsríkis Evrópu í framtíðinni, kom í heiminn klukkan 1:57 að staðartíma, tveimur vikum fyrir tímann. Drengurinn var 14 merkur og 51 sentimetri á lengd. Bæði móður og barni heilsast vel. Friðrik prins, sem 37 ára, var viðstaddur fæðingu drengsins og klippti á naflastrenginn. Hann var í sjöunda himni á fréttamannafundi í gærmorgun og sagðist ekki geta lýst tilfinningum sínum. Margrét Þórhildur Danadrotting heimsótti sjúkrahúsið í gær og sagði fréttamönnum að þó hún hefði ekki haldið á barninu hefði hún veifað til þess. Nafn drengsins hefur ekki verið tilkynnt. Líklegt þykir að eitt fjögurra nafna hans verði Kristján samkvæmt hefð en síðan á sextándu öld hafa dönsku kóngarnir heitið annað hvort Kristján eða Friðrik.