Stálu skipi en skiluðu því svo

Sómalskir sjóræningjar sem fyrr í vikunni rændu flutningaskipi sem Matvælahjálp Sameinuðu þjóðanna hafði á leigu hafa nú séð að sér og skilað fleyinu. Eigandi skipsins segist ekki hafa þurft að greiða neitt lausnargjald. Sjórán eru alvarlegt vandamál á sómölskum hafsvæðum. Ríkisstjórn landsins er óstarfhæf vegna borgarastyrjaldar og því veður óþjóðalýður uppi. Á síðustu fjórum mánuðum hefur jafnmörgum flutningaskipum verið rænt. Einu þeirra skipa, fullu af mat handa bágstöddum var haldið í 100 daga áður en ræningjarnir skiluðu því.