Roberts í hæstarrétt

George Bush Bandaríkjaforseti hefur tilnefnt íhaldsmanninn John Roberts sem hæstaréttardómara. Ef öldungadeild Bandaríkjaþings samþykkir tillöguna, sem ætti að vera formsatriði, tekur Roberts við af Söndru Connor sem hefur oft verið á móti meirihluta hæstaréttar þegar kemur að fóstureyðingum og málefnum minnihlutahópa. Með tilnefningunni í gær færist hæstiréttur Bandaríkjanna því enn lengra í íhaldsátt. Fréttaskýrendur segja valið koma nokkuð á óvart því helst var búist við að kona yrði ráðin. Með tilnefningunni í gær hefur Bush enn og aftur tekist að gera demókrata æfa og er búist við að þeir taki hart á Roberts þegar hann mætir á fund öldungadeildarinnar.