Mótmæla áfram í Beirút

Stjórnarandstæðingar í Líbanon ætla að halda opinberum mótmælum sínum áfram eftir afsögn ríkisstjórnar landsins í gær. Mótmælendur hafa fagnað á götum úti í alla nótt og krefjast þess nú að forsetar bæði Líbanons og Sýrlands verði næstir til þess að segja af sér. Stjórnin í Líbanon mun starfa áfram uns forseti landsins, Emile Lahoud, kemur með tillögu að nýrri stjórn. Stjórnvöld í Sýrlandi hafa ekkert tjáð sig um afsögn ríkisstjórnar Líbanon og segja að um innanríkismál sé að ræða. Sérfræðingar segja hins vegar að miklar líkur séu á að fyrsta verk nýrrar ríkisstjórnar verði að fara fram á brottfluttning sýrlenskra hermanna frá Líbanon.