Þarf hugsanlega að breyta nafni festa-osts á Íslandi

Hugsanlegt er að Osta- og smjörsalan þurfi að breyta nafninu á feta-osti sem fyrirtækið selur vegna dóms Evrópudómstólsins um að Grikkir megi einir nota orðið feta.

Átján ára málarekstur vegna deilna um leyfi til að kalla tiltekinn ost feta-ost var loks til lykta leiddur fyrir Evrópudómstólnum á þriðjudaginn var. Grikkir, sem hafa búið til feta í næstum sex þúsund ár, vildu einkarétt á nafninu en Danir og Þjóðverjar vildu ekki samþykkja þaðmstóllin féllst á kröfu Grikkja og samkvæmt úrskurði hans er feta-ostur nánar til tekið saltur, grískur ostur gerður úr blöndu af sauða- og geitamjólk.

Spurningar hafa vaknað um hvort dómurinn hafi áhrif hér á landi en Osta- og smjörsalan hefur hefur undanfarin tólf ár framleidd ost undir nafninu Íslenskur fetaostur. Að sögn Magnúsar Ólafssonar, forstjóra Osta- og smjörsölunnar, hefur dómur Evrópudómstólsins fordæmisgildi innan Evrópska efnahagssvæðisins og þar með hér og því geti farið svo að það þurfi að breyta nafninu á hinum íslenska fetaosti. Verið sé að skoða málið í rólegheitum, en gefinn hafi verið tveggja ára aðlögunartími í dóminum.

Fram kemur á heimasíðu Samtaka afurðarstöðva í mjólkuriðnaði í Danmörku að í kjölfar dómsins óttist menn innan Evrópusambandsins nú holfskeflu krafna um einkarétt á nöfnum á vörum sem framleiddar eru um allan heim en eru kenndar við tiltekin svæði eða bæi. Þannig geti Hollendingar farið fram á einkaleyfi á að kalla tiltekinn ost Gouda og edam og Svisslendingar einir kallað aðra osttegund emmentaler.

Dönskum fjölmiðlum hafa í kjölfar dómsins borist fjölmargar nýjar tillögur að nafni á fetaostinn, t.d. Pheta með ph, Jota, My Cheese og EFTA.