Tóku fyrirbura úr súrefniskassa fyrir myndatöku

Tvær hjúkrunarkonur í Póllandi tóku fyrirbura úr súrefniskassa eingöngu til að taka myndir af sjálfum sér með barnið í vasanum. Barnið lést skömmu síðar. Myndirnar voru teknar á næturvakt kvennanna í ágúst og sýna þær brosandi, haldandi á grátandi barni sem er með slöngur í nefinu. Ein myndin sýnir aðra konuna setja annað barn í vasann á sloppnum sínum. Starfsmaður framköllunarþjónustu lét lögreglu vita af málinu. Barnið í sloppvasanum hetir Mateus, fæddur eftir 26 vikna meðgöngu, og vóg innan við eitt kíló. Í ágúst, þegar myndirnar voru teknar var ástand hans stöðugt, en í septemberlok hrakaði heilsu hans vegna sýkingar. Það er ekki ljóst hvort athæfi kvennanna hafi stuðlað að veikindum hans. Drengurinn lést þann 25. þessa mánaðar. Faðir Mateusar segist vilja komast til botns í málinu, t.d. hvað hafi verið í vasa hjúkrunarkonunnar áður en hún setti barnið ofan í hann. Lögregla rannsakar nú hvort konurnar tvær beri ábyrgð á dauða Mateusar litla.