Óttast frosthörkur

Bretar hafa áhyggjur af því að komandi vetur verði mjög kaldur, en síðustu tíu ár hefur veturinn þar í landi verið mjög hlýr. Í frétt í dagblaðinu The Independent í vikunni kemur fram að menn hafi áhyggjur af almennum orkuskorti en orkuforðinn þar í landi dugir nú aðeins í ellefu daga, saman­borið við 55 víðast á meginlandi Evrópu.

"Bretar eru viðkvæmari en flestar þjóðir í Norður-Evrópu þar sem þeir eru vanir mildara veðurfari," segir Trausti Jónsson veðurstofustjóri. Hann bendir til að mynda á að upphitun húsa þar sé mun lakari en til dæmis á Norðurlöndum og að Bretar setji ekki nagladekk undir bíla á veturna.

"Líkurnar á mjög köldum vetri eru almennt fimm til átta prósent, en ef þessar spár reynast réttar eru líkurnar eitthvað meiri." Trausti segir þessar spár hafa lítið gildi fyrir Ísland. "Það er ekkert endilega kaldara hér í austanátt og oft hlýtt um vetur hér þegar kalt er í Evrópu."