Þurrkar á Amason-svæðum

Fjárskortur hamlar flutningum á nauðsynjavörum til Amason-svæða Brasilíu, sem miklir þurrkar hafa hrjáð síðustu mánuði, að sögn talsmanna brasilíska hersins. Herinn segist þurfa meira fé, svo hægt sé að koma mat, vatni, eldsneyti og lyfjum til um 3.200 fjölskyldna sem búa við nú þurrar þverár Amasonárinnar. Ríkisstjórn Brasilíu hefur lýst yfir neyðarástandi í 61 borg og þorpi vegna þurrkanna, sem hafa lækkað yfirborð Amasonárinnar um tvo metra. Óttast er um afdrif íbúa þessara staða ef nauðsynjavaran berst ekki.