Hélt lífi með því að drekka hland

Kínverskur námuverkamaður, sem lokaður var inni í námu þar í landi í ellefu daga eftir að jarðvegur hrundi, komst lífs af með því að drekka sitt eigið þvag. Manninum, sem var bjargað úr prísundinni í gær, sagðist aðeins hafa haft smá matarbita og örlítið vatn fyrstu dagana. Þegar það var gengið til þurrðar hafi hann gripið til þess ráðs að væta kverkarnar með þvaginu, því annars hefði hann án nokkurs vafa endað sína lífdaga í námunni.