Stjórnarsáttmáli undirritaður í Þýskalandi

Kristilegir demórkratar og jafnaðarmenn í Þýskalandi undirrituðu í morgun sáttmála um stjórnarsamstarf í landinu eftir nærri tveggja mánaða samningaviðræður. Sáttmálinn var undirritaður eftir að flokksmenn beggja fylkinga samþykktu hann fyrr í vikunni en hann kveður meðal annars á átak til að draga úr halla á rekstri hins opinbera, hækkun söluskatts um þrjú prósent árið 2007 og stórátak til þess blása lífi í efnahag landsins. Samningur kristilegra demókrata og jafnaðarmanna er sögulegur því þetta er í fyrsta sinn sem þeir mynda saman ríkisstjórn í 36 ár og auk þess verður Angela Merkel, leiðtogi Kristilegra demókrata, fyrst kvenna til að gegna kanslaraembætti í Þýskalandi.