Kyrkislanga í klósettinu

Þriggja metra löng kyrkislanga, sem Manchesterbúar gáfu nafnið Keith, er nú loks hætt að skríða milli klósetta í íbúðarblokk í borginni, en það hafði hún gert í þrjá mánuði, íbúunum til mikillar hrellingar. Samkvæmt frásögn breska ríkisútvarpsins BBC náðist slangan loks nú í byrjun vikunnar. Talið er að eigandi hennar hafi skilið hana eftir í hefnarskyni er hann var borinn út úr íbúð í blokkinni vegna vangoldinnar leigu. Slangan bjargaði sér þá með því að skríða í gegn um klóakrörin og fanga þar rottur. Íbúarnir hlóðu múrsteinum á klósettlokin til að hindra að fá óvelkominn gest inn á gólf til sín.