Lífslíkur aukast

Ný bresk rannsókn sýnir að lífslíkur hafa aukist meðal kvenna sem greinast með brjóstakrabbamein. Danskar rannsóknir benda til svipaðra niðurstaða. Ný lyf og bætt meðferðarúrræði hafa á síðustu áratugum aukið lífslíkur meðal þeirra sem greinast með brjóstakrabbamein. Rannsóknin í Bretlandi var gerð af breskur krabbameinsrannsóknarstofnunni. Niðurstöður hennar benda meðal annars til þess að 72% líkur eru á að konur í aldurshópnum 50-69 ára geti lifað í tuttugu ár í viðbót, læknist þær af sjúkdómnum. Í Danmörku hafa lífslíkur aukist um helming á síðustu 25 árum. Niels Kroman, yfirlæknir á brjóst- og skjaldkirtilsdeild Ríkisspítalans í Kaupmannahöfn, segir að þriðjungur þeirra kvenna sem hafa komið til meðferðar vegna brjóstakrabbameins hafa læknast af sjúkdómnum. Hann segir að um 75% þeirra kvenna sem gangist nú undir meðferð verði á lífi eftir 10 ár, þökk sé bættum meðferðaraðferðum en auknar lífslíkur brjóstakrabbameinssjúklinga má einkum rekja til nýrra lyfja og geislameðferðar. Þrátt fyrir góðan árangur í baráttunni við brjóstakrabbameini þá látast hlutfallslega fleiri konur í Danmörku en í þeim löndum sem Danir bera sig gjarnan saman við, eins og Svíþjóð. Ein ástæða þess er talin vera sú að ekki er enn skipulögð brjóstakrabbameinsskoðun um alla Danmörku. Danskar konur hafa einnig tilhneigingu til að bíða með að leita til læknis þegar þær uppgvötva hnúð í brjósti. Brjóstakrabbamein er algengasta tegund krabbameins hjá konum. Samkvæmt bresku krabbameinsrannsóknarstofunni eru konur í aldurshópnum 50-69 ára í hvað mestri áhættu til að greinast með sjúkdóminn. Alls greinast um 3.500 og 4.000 ný tilfelli brjóstakrabbameins árlega í Danmörku en talið er að ein af hverjum tíu konum fái brjóstakrabbamein. Politiken greinir svo frá í dag.