Verða að berjast gegn hryðjuverkum

Palestínska heimastjórnin verður að fordæma hryðjuverk og berjast gegn þeim ef friðarferlið fyrir botni Miðjarðarhafs á að ganga upp. Þetta sagði George W. Bush Bandaríkjaforseti eftir fund með Mahmoud Abbas, forseta palestínsku heimastjórnarinnar, í Washington rétt í þessu.  Bush sagði brotthvarf Ísraela frá Gazasvæðinu og hluta Vesturbakkans opna ný tækifæri fyrir Palestínumenn en einnig leggja þeim nýja ábyrgð á herðar. Abbas sagði stjórn sína vera að vinna að því að auka öryggi, meðal annars með því að auka löggæslu og banna vopnaburð við mótmæli.