Tveir skammtar af bóluefni

Bresk stjórnvöld vilja koma sér upp tveimur skömmtum af bóluefni fyrir hvern einasta landsmann. Aðeins þannig yrði hægt að verja alla þjóðina fyrir fuglaflensunni þar sem ekki er víst að einn skammtur á hvern landsmann myndi duga. Enn hefur ekki tekist að þróa bóluefni gegn mannskæða stofni flensunnar en margt bendir þó til þess að fuglaflensan sé á hraðri leið til Vestur- Evrópu. Fuglaflensa er nú þegar komin upp í Rúmeníu, Tyrklandi og nú síðast í evrópska hluta Rússlands. Í gær fullyrti heilbrigðisráðherra Ungverjalands að þarlendir vísindamenn hefðu þróað bóluefni gegn mannskæða stofni flensunnar, en það hefur ekki fengist staðfest.