Ráðherra athugar beiðni Fishers

Chieko Nohno, dómsmálaráðherra Japans, hefur fallist á að taka til greina beiðni Bobbys Fischers um að verða vísað úr landi og sendur hingað til lands. Að öðrum kosti verður Fischer vísað til Bandaríkjanna þar sem hans bíður fangelsisvist. Nohno sagði að almennt væri reglan sú að menn, sem vísað væri úr landi, væru sendir til heimalandsins sem í þessu tilfelli væri Bandaríkin. Hins vegar mætti hafa óskir Fischers í huga og kanna hvort að þriðja land væri reiðubúið að taka á móti honum.