Colin Powell óvænt til Bagdad

Colin Powell, utanríkisráðherra Bandaríkjanna, kom óvænt til Bagdad í dag og átti fund með forseta Íraka, Ghazi al-Yawer. Powell staðfesti þar ákvörðun stjórnvalda í Washington að styðja áfram bráðabrigðastjórn Íraka. Hann lofaði einnig að hraða fjárstuðningi til uppbyggingar. Írakski forsetinn sagði að þeir hefðu ekki rætt um tillögur Sádi Araba um sameiginlegan her múslimaríkja. Hann sagðist einnig harma þá seinkunn sem orðið hefði á ráðstefnu sem halda átti á morgun, en þar átti að velja 100 menn í þjóðarráð Íraks sem hafa á yfirumsjón með verkum bráðabirgðastjórnarinnar. Ætlunin er að halda ráðstefnuna um miðjan ágúst.