Dómsmál

Dómsmál

Fréttir af málum sem rata fyrir dómstóla.

Fréttamynd

Hafi ráðist á sam­býlis­konu sína á Tenerife

Karlmaður hefur verið ákærður fyrir brot í nánu sambandi með því að hafa á endurtekinn hátt ógnað lífi, heilsu og velferð barnsmóður sinnar og þáverandi og síðar fyrrverandi sambýliskonu árið 2024. Honum er meðal annars gefið að sök að hafa ráðist á konuna á hótelherbergi á Tenerife, sent henni ærumeiðandi skilaboð um ætlað framhjáhald hennar og að hafa stolið öllum dekkjum undan bíl hennar.

Innlent

Fréttir í tímaröð

Fréttamynd

Héldu nám­skeið um heiðursofbeldi

Félags- og húsnæðisráðuneytið og Ríkislögreglustjóri héldu á dögunum námskeið um einkenni og birtingarmyndir heiðursofbeldis. Um 25 manns, sem vinna meðal annars fyrir lögregluna, framhaldsskóla eða barnaverndaryfirvöld, sóttu námskeiðið.

Innlent
Fréttamynd

Veru­leikinn breyttur eftir ofsaakstur á ó­nýtum bíl

Ungur karlmaður hefur verið dæmdur til fimm mánaða skilorðsbundins fangelsis vegna umferðarslyss sem varð í grennd við Hofsós í apríl í fyrra, þegar hann var tæplega átján ára. Einn þriggja farþega í bílnum slasaðist mjög alvarlega og slysið mun marka allt hans líf, að sögn læknis. Slysið varð eftir að ungi maðurinn ók á um 190 kílómetra hraða á handónýtum bíl.

Innlent
Fréttamynd

Hafi reynt að myrða kærustu sína í sumar

Karlmaður hefur verið ákærður fyrir að reyna að myrða kærustu sína á þáverandi heimili þeirra í Reykjavík um miðjan júlí síðastliðinn. Frásögn konunnar á bráðamóttöku var upphaflega á þá leið að hún hefði veitt sér áverkana sjálf en því trúði lögregla tæplega.

Innlent
Fréttamynd

Stefnir Eiði vegna meðlagsskuldar

Ragnhildur Sveinsdóttir hefur höfðað mál gegn fyrrverandi eiginmanni sínum, Eiði Smára Guðjohnsen, fyrir Héraðsdómi Reykjavíkur. Samkvæmt heimildum fréttastofu er um meðlagsskuld að ræða en málið verður tekið fyrir 2. nóvember. Ragnhildur stefndi Eiði árið 2022 vegna sambærilegs máls en það var leyst utan dómstóla.

Lífið
Fréttamynd

Hljóta dóm fyrir að kveikja í Teslu lög­reglu­manns eftir allt saman

Þrír menn hafa hlotið dóm fyrir að hafa í ágúst 2023 kveikt í Teslu-bifreið lögreglumanns gegn greiðslu sem hljóðaði upp á hundrað þúsund krónur. Málinu hafði verið vísað frá dómi í desember síðasta árs en þá hafði ekki fengist leyfi frá Ríkissaksóknara til þess að Héraðssaksóknari gæti farið með málið.

Innlent
Fréttamynd

Af­kom­endur síðasta böðuls á Ís­landi búa enn á Illuga­stöðum

Afkomendur síðasta böðulsins á Íslandi búa enn á Illugastöðum á Vatnsnesi, á jörðinni þar sem morðin voru framin sem leiddu til þess að þau Friðrik Sigurðsson og Agnes Magnúsdóttir voru hálshöggvin á Þrístöpum í Vatnsdalshólum árið 1830. Þetta var síðasta aftaka sem fram fór á Íslandi.

Innlent
Fréttamynd

Húð­flúr á hálsi kom upp um síbrotamann

Karlmaður hefur verið úrskurðaður í síbrotagæslu til 17. nóvember næstkomandi vegna gruns um að hann hafi brotið 32 sinnum af sér á tímabilinu 27. mars 2025 til 19. október síðastliðins. Hann er meðal annars grunaður um hnífstunguárás í sumar en brotaþoli í því máli bar kennsl á hann vegna áberandi húðflúrs á hálsi hans.

Innlent
Fréttamynd

Norskir fjöl­miðlar í hart við Meta

Hagsmunasamtök norska fjölmiðlafyrirtækja freista þess nú að fá lögbann á nýja notendaskilmála bandaríska samfélagsmiðlarisans Meta fyrir fyrirtækjareikninga. Fjölmiðlarnir segja nýju skilmálana gefa Meta óheftan aðgang að öllu efni sem þeir framleiða og dreifa.

Viðskipti erlent
Fréttamynd

Deila um sótt­kví fer alla leið

Karlmaður hefur fengið áfrýjunarleyfi til Hæstaréttar í máli sínu á hendur íslenska ríkinu vegna sóttkvíar sem honum var gert að sæta í miðjum heimsfaraldri kórónuveiru. Maðurinn heldur því fram að hann hafi verið sviptur frelsi sínu með ólögmætum hætti og krefst tveggja milljóna króna í miskabætur. Ríkið hefur áður verið sýknað bæði í héraði og fyrir Landsrétti.

Innlent
Fréttamynd

Upp­lifa endur­tekið á­fall vegna dómsins

Þó nokkrir hafa sett sig í samband við Bjarkarhlíð í kjölfar umdeilds sýknudóms Landsréttar í nauðgunarmáli að sögn teymisstýru úrræðisins. Niðurstaðan dragi úr vilja þeirra til þess að leita réttar síns.

Innlent
Fréttamynd

Ó­ljóst hvers vegna þeir hittust í „völundar­húsi“ bílastæða­hússins

Ekki liggur fyrir hvers vegna fjöldi manna komu saman í bílakjallara undir Höfðatorgi í Reykjavík aðfaranóttina 17. mars síðastliðinn, eða hví ráðist var að einum þeirra með svo alvarlegum hætti að hann hlaut lífshættulega áverka. Sá sem varð fyrir árásinni sagðist hafa mælt sér mót við einn tiltekinn mann, en á móti honum tóku tuttugu til þrjátíu manns.

Innlent
Fréttamynd

Mátti reka mann sem hótaði að slíta af honum höfuðið

Fyrirtæki þarf ekki að greiða fyrrverandi starfsmanni fyrir síðasta mánuð þriggja mánaða uppsagnarfrest eftir að framkvæmdastjóri þess rak starfsmanninn eftir að upp úr sauð vegna ágreinings um skattafrádrátt. Starfsmaðurinn hótaði meðal annars að slíta höfuðið af framkvæmdastjóranum.

Innlent
Fréttamynd

Telur dómarann van­hæfan vegna starfa í slitastjórn

Þorsteinn Már Baldvinsson, fyrrverandi forstjóri Samherja, ætlar að láta reyna á hæfi héraðsdómarans Jóhannesar Rúnars Jóhannssonar, sem sýknaði Seðlabankann í gær af öllum kröfum Þorsteins Más. Hann telur dómarann vanhæfan vegna tengsla við lögmann Seðlabankans en þeir sátu saman í slitastjórn Kaupþings á sínum tíma.

Innlent
Fréttamynd

Lítill hluti af milljörðunum þrjá­tíu sem fari í fanga­klefa

Sérfræðingur í dómsmálaráðuneytinu segir kostnað við byggingu nýs fangelsis hafa aukist til muna eftir að framkvæmd var þarfagreining. Einungis lítill hluti upphæðarinnar fari í fangaklefana og þess í stað sé umgjörðin sem kosti bróðurhluta af þrjátíu milljörðunum sem verja á í fangelsið.

Innlent
Fréttamynd

Hug­renningar í kjöl­far sýknudóms í Lands­rétti

Í framhaldsnámi mínu í afbrotafræði við bandarískan háskóla tók ég refsirétt við lagadeild skólans. Í einu námskeiðanna tókum við fyrir mál sem rifjaðist upp fyrir mér í kjölfar nýlegs sýknudóms í Landsrétti. Málið gekk undir heitinu Regina vs Morgan dæmt 1975 við breskan dómstól.

Skoðun
Fréttamynd

Á­kærður fyrir að nauðga sau­tján ára stúlku en neitar sök

Bandaríski áhrifavaldurinn Braden Eric Peters, sem er betur þekktur undir nafninu Clavicular, hefur neitað sök vegna ákæru um refsiverð brot, þar á meðal nauðgun. Er hann helst þekktur fyrir að breiða út hugmyndina um að „looksmaxx-a“ sem gengur út á að líta sem best út sama hvað og eftir öllum mögulegum leiðum, jafnvel með skaðlegum aðferðum.

Erlent
Fréttamynd

Ítalski baróninn á ekki vatnið

Landsréttur hefur staðfest dóm Héraðsdóms Vestfjarða um að vatnsnýtingarréttindi á landi Engjaness í Eyvindarfirði á Ströndum séu í eigu ríkisins. Baróninn hafði samið við orkufyrirtæki um afnot réttindanna vegna fyrirhugaðrar Hvalárvirkjunar.

Innlent

Mest lesið