Dómsmál

Dómsmál

Fréttir af málum sem rata fyrir dómstóla.

Fréttir í tímaröð

Fréttamynd

Þarf að greiða hálfa milljón úr eigin vasa vegna B5

Sverri Einari Eiríkssyni hefur verið gert að greiða fimm hundruð þúsund króna sekt úr eigin vasa vegna notkunar B Reykjavík ehf. á vörumerkinu b5. Félagið sjálft þurfti að greiða hálfa milljón vegna noktunnarinnar en vörumerkið er í eigu KG ehf.

Innlent
Fréttamynd

Fær 5,7 milljónir af því að kona var ráðin en ekki hann

Íslenska ríkið þarf að greiða manni 5,7 milljónir króna, með dráttarvöxtum, af því að kona var ráðin í starf hjá opinberri stofnun en ekki hann. Hann var metinn hæfari en hún í starfið, meðal annars vegna betri menntunar og meiri þekkingar og reynslu á ótilgreindu sviði en konan þótti betri í mannlegum samskiptum.

Innlent
Fréttamynd

Stendur með Bríeti í deilunni við Pálma

Sara Pétursdóttir, sem áður gekk undir nafninu Glowie, segist standa með tónlistarkonunni Bríeti í deilum hennar við Pálma Ragnar Ásgeirsson, pródúsent og lagahöfundi. Glowie og Pálmi unnu saman áður en hún gerði útgáfusamning við Columbia Records árið 2017. Við tók áralangt samstarf Pálma með Bríeti en hún hefur nú krafið þrotabú félags, sem var í eigu Pálma, um greiðslu átta milljóna króna.

Tónlist
Fréttamynd

Tók debet­kort af vitskertum vistmanni og eyddi rúmri milljón

Starfsmaður á hjúkrunarheimilinu Barmahlíð á Reykhólum hefur verið dæmd fyrir að hafa tekið debetkort af vistmanni og greitt fyrir vörur og þjónustu að andvirði ríflega 1,2 milljóna íslenskra króna. Þannig er henni gert að hafa misnotað stöðu sína en vistmaðurinn er í dómnum sagður vera með vitræna skerðingu, vangetu til þess að átta sig á fjármálum og háður hinni ákærðu um þjónustu.

Innlent
Fréttamynd

Skálm­öld hafði betur fyrir dómi

Meðlimir Skálmaldar hafi lagt útgáfufyrirtækið Öldu music í deilu um út­gáfurétt á plötunni með upp­tökum frá tón­leikum Skálmaldar og Sin­fóníu­hljómsveitar Ís­lands.

Innlent
Fréttamynd

Land­læknir braut á deildar­stjóra réttargeðdeildar

Landsréttur hefur dæmt íslenska ríkið til þess að greiða fyrrverandi deildarstjóra réttar- og öryggisdeildar Landspítalans 800 þúsund krónur í miskabætur vegna brots á persónuverndarlögum. Landlæknir greindi Geðhjálp frá því að deildarstjórinn hefði verið settur í ótímabundið leyfi í tengslum við alvarlegar ábendingar um slæman aðbúnað á öryggis- og réttargeðdeildum Landspítalans.

Innlent
Fréttamynd

Bríet krefur Pálma Ragnar um átta milljónir króna

Söngkonan Bríet Ísis Elfar krefur þrotabú félagsins Líms og varahluta ehf., sem hét áður Rok records og var í eigu tónlistarmannsins Pálma Ragnars Ásgeirssonar, um tæplega átta milljónir króna vegna höfundaréttar-, útgáfuréttar og rétthafagreiðslna, sem hún telur sig hafa verið hlunnfarna um.

Innlent
Fréttamynd

„Lifði eins og greifi“ á kostnað bróður síns með því að svíkja út vörur í kaup­fé­laginu

Héraðsdómur Norðurlands vestra dæmdi í gær karlmann í níu mánaða fangelsi, skilorðsbundið til tveggja ára, fyrir fjársvik sem beindust að bróður hans. Á árunum 2016 til 2021 sveik maðurinn út vörur úr verslunum Kaupfélags Skagfirðinga, það eru Skagfirðingabúð, Verslun Eyri og Bifreiðaverkstæði kaupfélagsins. Það gerði hann með því að skuldfæra vörur á viðskiptareikning sem hann hafði vitneskju um.

Innlent
Fréttamynd

Tálbeitan sakfelld en aðrir dómar í Gufunesmáli mildaðir

Landsréttur kvað upp dóm í Gufunesmálinu svokallaða í síðdegis. Einn sem hlaut dóm í héraði var sýknaður og dómar þriggja sem dæmdir voru fyrir manndráp voru mildaðir um eitt til tvö ár. Ung kona sem var sýknuð í héraði var aftur á móti sakfelld fyrir hlutdeild í frelsisviptingu og dæmd í sex mánaða skilorðsbundið fangelsi.

Innlent
Fréttamynd

Íris Helga neitar sök

Íris Helga Jónatansdóttir neitaði sök við þingfestingu á ákæru gegn henni í Héraðsdómi Reykjaness sem hófst klukkan 14 í dag.

Innlent
Fréttamynd

Intuens lagði land­lækni

Héraðsdómur Reykjavíkur hefur fellt úr gildi ákvörðun landlæknis um að synja Intuens leyfi um að bjóða upp á myndgreiningarrannsóknir án tilvísunar frá lækni. Þá er landlækni gert að greiða fyrirtækinu 2,5 milljónir króna í málskostnað.

Innlent
Fréttamynd

Virti ekki endur­teknar óskir konunnar um að hætta

Héraðssaksóknari hefur ákært karlmann fyrir nauðgun með því að hafa án samþykkis og með ólögmætri nauðung haft kynferðismök við konu á heimili hennar í Hafnarfirði. Nauðgunin er sögð hafa átt sér stað 17. mars 2024.

Innlent
Fréttamynd

Á­kæran á hendur Írisi Helgu: Sakaði menn um barna­níð, laug upp á börn og lét maka saur

Íris Helga Jónatansdóttir hefur verið ákærð fyrir umfangsmikið umsáturseinelti gegn þremur karlmönnum, börnum tveggja þeirra, sambýliskonu eins þeirra og fjölskyldu sambýliskonunnar. Hún er meðal annars ákærð fyrir að væna fólkið opinberlega um barnaníð, ljúga kynferðisbroti upp á þrjá skólabræður dóttur eins mannanna og fá mann sem hún var í slagtogi við til að maka saur á hurðarhúna heimilis og bíls eins mannanna. Sá er einnig ákærður í málinu. Þá hefur hún játað að hafa logið nauðgun upp á einn mannanna.

Innlent
Fréttamynd

Skúli Tómas hafi svipt konuna lífi með morfíni

Héraðssaksóknari telur Skúla Tómas Gunnlaugsson hjartalækni hafa svipt Dönu Jóhannsdóttur lífi með því að sjá til þess að henni yrðu gefin morfín og morfínskyld lyf. Þung lyfjameðferð hafi orðið til þess að Dana lést af völdum meðferðarinnar. Börn hennar krefjast samtals tuga milljóna króna í miskabætur.

Innlent
Fréttamynd

Að­stand­endur „Kanna­bis Inc“ dæmdir í fangelsi

Fjórir karlmenn hafa verið dæmdir fyrir skipulagða brotastarfsemi og stórfellt fíkniefnalagabrot með því að hafa selt ótilgreint magn af amfetamíni, hassi, maríhúana, kókaíni, MDMA, metamfetamíni, LSD, Diazepam, sveppum, nammi sem innihélt kannabis og óþekktum töflum. Í fórum þeirra fundust límmiðar merktir „Kannabis Inc“ og þeir áttu í samskiptum í gegnum spjall með sama heiti á Telegram.

Innlent

Mest lesið