Fleiri fréttir

Fimmföld velta á hlutabréfamarkaði.

Velta á hlutabréfamarkaði núna í ársbyrjun er fimmföld miðað við meðalveltu á dag allt árið í fyrra. Þá hefur töluverð hækkun orðið á úrvalsvísitölunni. Greining Íslandsbanka gerir hlutabréfahækkunina að umfjöllunarefni í Morgunkorni sínu.

Vefur Vífilfells kominn í lag á ný

Brotist var í nótt inn í tölvukerfi þjónustufyrirtækis, sem m.a. hýsir vef Vífilfells hf. Um var að ræða svokallaða tölvuhakkara, sem skildu eftir sig stutt skilaboð á tyrknesku á vefsíðu Vífilfells hf.

Ísland fær búbót upp á 750 milljónir í Barentshafi

Þorskkvóti Íslands í Barentshafi mun aukast um 3.000 tonn á yfirstandandi fiskveiðiári miðað við fyrra ár. Miðað við algengt kílóverð á þorski, eða um 250 krónur á kíló, á fiskmörkuðum í dag er verðmæti þessa aukna kvóta rúmlega milljarður króna.

Kaupþingsrannsókn kostaði 270 milljónir

Breska efnahagsbrotadeildin, Serious Fraud Office (SFO), eyddi 1,3 milljónum punda, um 270 milljónum króna, í rannsókn sína á falli Kaupþings. Breska dagblaðið The Times fór fram á upplýsingar um kostnaðinn á grundvelli upplýsingalaga og birti svörin fyrir helgi. Rannsókninni var hætt í fyrra eftir að SFO viðurkenndi röð mistaka við framkvæmd hennar og bað meðal annars einn hinna grunuðu afsökunar á framferði sínu við rannsóknina, sem var ein sú umsvifamesta sem stofnunin hafði ráðist í.

Áfram hækkanir á hlutabréfamarkaði

Gengi hlutabréfa flestra íslenskra hlutafélaga sem skráð eru á markað í kauphöllinni hækkaði í dag. Mesta hækkunin var á gengi bréfa Marels, eða um 2,01 prósent og er gengi bréfa félagsins nú 152. Þá hækkaði gengi bréfa Össurar um 1,49 prósent og er gengi bréfa félagsins nú 205.

20 milljóna króna fjárfesting Jóns Ásgeirs

Jón Ásgeir Jóhannesson segir að fjárfestingin í Muddy Boots nemi innan við 20 milljónum íslenskra króna, en ekki hundruðum milljóna eins og fram kom á vef Telegraph. Greint var frá því í morgun að hann hafi fjárfest í kjötiðnaðarfyrirtæki sem aðallega starfar við framleiðslu á hamborgurum.

Alls óvíst hvenær nauðasamningar verða samþykktir

Már Guðmundsson seðlabankastjóri segist ekkert vita hvenær hægt verði að samþykkja nauðasamninga slitastjórna Glitnis og Arion banka við kröfuhafa. Málið er flókið enda gæti það þýtt gríðarlegan flutning á gjaldeyri úr landi og haft mikil áhrif á gengi krónunnar og þar af leiðandi íslenskt efnahagslíf. Arnór Sighvatsson aðstoðarseðlabankastjóri sagði á fundi efnahags- og viðskiptanefndar í vikunni að ólíklegt væri að þeir yrðu samþykktir fyrir kosningar. "Það bara veit ég ekkert um. Það getur gerst hratt og það getur gerst hægt. Það fer eftir því hvernig gengur í samtölum milli aðila,“ sagði Már þegar Vísir náði tali af honum í gær og spurði hvenær hann sæi fyrir sér að nauðasamningar yrðu samþykktir.

Seðlabankinn fylgist með hvort bankarnir hafi óeðlileg áhrif á krónuna

Már Guðmundsson seðlabankastjóri segir að Seðlabankinn fylgist mjög vel með því hvort þær skyldur sem viðskiptabankarnir beri á gjaldeyrismarkaði stangist á við aðra hagsmuni þeirra. Gengi íslensku krónunnar tók mikla dýfu dagana fyrir áramót og á síðasta viðskiptadegi ársins var gengi krónunnar lægra en það hafði áður verið á árinu. Bæði Viðskiptablaðið og Greiningardeild Arion banka fjölluðu ítarlega um það að Landsbankinn hefði hagnast á veikingunni vegna breytinga sem gerðar höfðu verið að skuldabréfi milli Landsbankans og þrotabú gamla Landsbankans.

Reginn hækkar um ríflega fjögur prósent

Fasteignafélagið Reginn hefur hækkað um 4,05 prósent í dag, og er gengi bréfa félagsins nú 12,38. Gengi bréfa félagsins við skráningu á sumarmánuðum 2012 var 8,2.

Telur auðlegðarskattinn fara gegn stjórnarskrá

Garðar Valdimarsson hrl. segir auðlegðarskattinn, sem lagður er á hreina eign einstaklinga yfir 75 milljónum og hjóna yfir 100 milljónum, fara gegn stjórnarskrá, einkum ákvæðum um eignarrétt. Hann telur Hæstarétt hafa gefið leiðgsögn í þessum efnum í dómsmáli árið 1958, þar sem deilt var um stóreignaskattinn svonefnda.

FME blæs á athugasemdir Stafa

Fjármálaeftirlitið (FME) gefur lítið fyrir þær athugasemdir sem lífeyrissjóðurinn Stafir hefur gert við úttekt eftirlitsins á starfsemi sjóðsins. Fjármálaeftirlitið segir m.a. að óvarlegt sé að fullyrða að engir fjármunir hafi tapast í tengslum við þau atriði sem eftirlitið gerði athugasemdir við.

Gengi Icelandair og Regins í hæstu hæðum

Gengi hlutabréfa fasteignafélagsins Regins hækkaði mesta allra í kauphöll Íslands í dag, eða um 3,36 prósent og er gengi bréfa félagsins nú 12,3. Félagið var skráð á markað á genginu 8,2 sl. sumar. Gengi bréfa félagsins hefur ekki verið hærra frá skráningu.

VÍS búið að selja hlut sinn í Vefpressunni

Vátryggingafélag Íslands, VÍS, seldi hlut sinn í Vefpressunni um mitt síðasta ár. Þetta staðfesti Sigrún Ragna Ólafsdóttir, forstjóri VÍS, við fréttastofu í dag.

Guðmundarsmiðja opnuð á Ísafirði

Stafræn smiðja var formlega opnuð í Menntaskólanum á Ísafirði í byrjun ársins. Hún hefur reyndar verið í notkun síðan í haust og aðsókn verið góð, að sögn Þrastar Jóhannssonar, kennara við skólann.

Miklar hækkanir á hlutabréfum í kauphöllinni í dag

Miklar hækkanir hafa einkennt hlutabréfaviðskipti í Nasdaq OMX kauphöll Íslands í dag, en mesta hækkunin hefur verið á gengi bréfa Icelandair Group, Haga, en það hefur hækkað um 3,28 prósent og er gengi bréfa félagsins nú 9,1, og hefur aldrei verið hærra.

Kröfðust gjaldþrotaskipta yfir DV

Sameinaði lífeyrissjóðurinn krafðist gjaldþrotaskipta yfir útgáfufélagi DV á dögunum. Viðskiptablaðið greinir frá því í dag að þessi krafa hafi verið vegna 600 þúsund króna skuld blaðsins við sjóðinn. Gjaldþrotabeiðnin var þó afturkölluð á síðustu stundu þegar skuldin var greidd upp. Vísir hefur á undanförnum þremur vikum ítrekað óskað eftir upplýsingum frá Kristjáni Erni Sigurðssyni, framkvæmdastjóra Sameinaða lífeyrissjóðsins en án árangurs.

Útflutningur á ferskum þorski eykst verulega

Útflutningur á ferskum þorski jókst um liðlega 30 prósent fyrstu ellefu mánuði síðasta árs samanborið við árið á undan og verðmætið var hátt í 21 milljarður samanborið við tæpa 17 milljarða árið áður.

Leigumarkaðurinn minnkar og leigan hækkar

Leigumarkaðurinn skrapp saman um 9% á milli ára á síðasta ári, en þá voru rúmlega 9.000 leigusamningar gerður á landinu öllu. Það fækkun um 868 samninga frá fyrra ári.

Hampiðjan kaupir fyrirtæki í Danmörku

Cosmos Trawl, fyrirtæki sem er alfarið í eigu Hampiðjunnar, hefur keypt 80% hlut í rekstri og eignum Nordsötrawl í Danmörku. Kaupverðið var 13 milljónir danskra króna eða tæplega 300 milljónir króna.

Eignir lífeyrissjóðanna orðnar 2.337 milljarðar

Hrein eign lífeyrissjóða nam 2.337 milljörðum kr. í lok nóvember s.l. og hafði þar með aukist um 10 milljarða kr. frá október eða um 0,4%. Þar af var eign lífeyrissjóða 230 milljarðar kr. í séreignardeildum. Þetta kemur fram í hagtölum Seðlabankans.

Ólíklegt að nauðasamningar klárist fyrir kosningar

Litlar líkur eru á því að nauðasamningar við kröfuhafa gömlu bankana nái fram að ganga fyrir kosningar, segir Guðlaugur Þór Þórðarson, þingmaður Sjálfstæðisflokksins og fulltrúi í efnahags- og viðskiptanefnd. Nefndin fundaði í morgun.

Seðlabankinn tók út 85,5 milljarða hjá AGS

Seðlabankinn nær fullnýtti sér sérstök dráttarréttindi hjá Alþjóðagjaldeyrissjóðunum (AGS) á síðasta ári og tók þar út 85,5 milljarða kr. að því er segir í efnahagsreikningi bankans sem birtur er í hagtölum hans. Aðeins 1,7 milljarðar kr. standa eftir af þessum sérstöku dráttarréttindum.

Eini Ferrari bíll landsins til sölu

Eini Ferrari bíll landsins er til sölu í Nýju bílahöllinni. Um er að ræða rauðan Ferrari 328 GTS og á hann að kosta tæpar 15 milljónir króna þótt hann sé orðinn 24 ára gamall.

Ný Samsung tæki koma til Íslands í apríl

Samsung kynnti ný og hátæknivædd sjónvarpstæki á CES tækjasýningunni í Las Vegas sem hófst í gærkvöld. Samsung hefur tilkynnt að þessi nýju sjónvarpstæki muni bjóða upp á það besta í tækni, mynd og hljóði sem völ er á í dag. Tækin koma á markað hér á landi í apríl og verða þá kynnt í Samsung setrinu í Síðumúla.

AUÐUR kaupir helming í Íslenska gámafélaginu

AUÐUR I fagfjárfestasjóður hefur keypt nýtt hlutafé í Íslenska gámafélaginu og eignast helmingshlut í félaginu. Með þessum kaupum hefur sjóðurinn alls fjárfest fyrir um 3 milljarða króna og er fullfjárfestur.

Olíufélögin sýknuð af skaðabótakröfu

Olíufélögin þrjú, Ker, Olíuverzlun Íslands, og Skeljungur voru í morgun sýknuð af skaðabótakröfu íslenskra ríkisins. Ríkið höfðaði mál vegna útboðs árið 1996, en þá voru gerðir samningar vegna kaupa á eldsneyti fyrir Landhelgisgæsluna og dómsmálaráðuneytið, sem keypti eldsneyti fyrir lögregluna og önnur embætti sem heyra undir ráðuneytið.

Um 800 manns sóttu um störf flugliða

Um átta hundruð umsóknir bárust um störf flugliða hjá WOW air en félagið auglýsti störfin í lok nóvember. Um 50-60 manns verða ráðnir í sumarstörf flugliða en WOW air verður með fjórar vélar í rekstri og mun fljúga til 14 áfangastaða víðs vegar um Evrópu. Fjórir nýir áfangastaðir hafa bæst við leiðarkerfi WOW air frá því síðasta sumar; Barcelona, Amsterdam, Mílanó og Düsseldorf. Því var þörf á að ráða fleiri flugliða til starfa. Gert er ráð fyrir 450 þúsund farþegum með WOW air árið 2013, segir í tilkynningu frá félaginu.

Viðskipti Landsbankans veiktu krónuna

Mikil viðskipti Landsbankans á gjaldeyrismarkaði veiktu íslensku krónuna rétt fyrir áramótin. Landsbankinn þarf að greiða þrotabúi gamla Landsbankans jafnvirði tæplega 300 milljarða króna í gjaldeyri á næstu árum og ræður ekki við greiðslurnar nema lengt verði í lánum. Bankastjórinn segir unnið að samkomulagi í þá veru.

Jón Ásgeir segir ákæru lýsa frekju fremur en umboðssvikum

Jón Ásgeir Jóhannesson segir í viðtali við fréttastofu að hann sé saklaus af ákæru í Aurum-málinu og að samskipti hans og Lárusar Welding bankastjóra Glitnis hafi ekki verið óeðlileg. Þá segir hann að ef saksóknari ætli að ákæra hann fyrir frekju þá verði hann að setja það þannig fram í ákæruskjalinu.

Sjá næstu 50 fréttir

Mest lesið