Seðlabankinn hefur áhyggjur af lágu gengi krónunnar þar sem verðbólga mælist enn töluvert yfir verðbólgumarkmiðum bankans.

Þetta kemur fram í viðtali við Már Guðmundsson seðlabankastjóra á Bloomberg fréttaveitunni. Már segir að það sé ekki þægileg staða að gengi krónunnar sé jafnveikt og raun ber vitni þar sem verðbólga sé mikil og endurskoðun á kjarasamningum framundan.

Krónan hefur fallið um 16% gagnvart evrunni frá því í ágúst á síðasta ári og hefur ekki verið veikari undanfarin tæp þrjú ár.

Már segir að Seðlabankinn sé meðvitaður um af hverju gengi krónunnar er veikt þessa stundina. Þar sé um að ræða innlenda aðila sem eru að borga af erlendum lánum. Þessi erlendu lán sé ekki hægt að endurfjármagna á alþjóðlegum mörkuðum.

Már segir að hægt sé að lagfæra þessa stöðu með því að aðstoða fyrrgreinda aðila, og bankana almennt, við að komast inn á alþjóðlega lánamarkaðinn að nýju.