Seðlabankinn kaupir 61,7 milljónir evra

Seðlabanki Íslands keypti 61,7 milljónir evra í gjaldeyrisútboði sem fór fram fyrir hádegi í dag og greiðir bankinn fjárfestum 210 krónur fyrir hverja evru, að því er fram kemur í tilkynningu.

SFR semur við Fríhöfnina

Samninganefndir SFR - stéttarfélags í almannaþjónustu og Fríhafnarinnar skrifuðu undir kjarasamning í dag. Í tilkynningu frá SFR segir að samningurinn sé á svipuðum nótum varðandi innihald og áherslur og þeir samningar sem SFR hefur verið að gera undanfarið.

Samstarfsvettvangur jarðvarmaklasans stofnaður

Arion banki í samstarfi við Gekon hélt fjölsóttan fund í morgun í höfuðstöðvum bankans. Dr. Michael Porter, prófessor við Harvard Business School og einn helsti fræðimaður heims á sviði stefnumótunar og samkeppnishæfni þjóða, var heiðursgestur fundarins og ávarpaði gesti.

Ráðuneytið varar við lögbrotum vegna vörslusviptingar

Innanríkisráðuneytið varar við lögbrotum vegna vörslusviptingar. Í tilkynningu sem birt er á vef ráðuneytisins segir að telji einhver sig eiga skýlausan rétt á að fá umráð eignar sem er í vörslu annars þarf hinn fyrrnefndi almennt að leita til opinbers aðila til að fá þessa heimild sína staðfesta. Slík er unnt að gera með skjótum hætti á grundvelli laga um aðför. Samkvæmt 78. gr. aðfararlaga er þeim sem telur sér með ólögmætum hætti aftrað að neyta réttinda sem hann telur sig eiga, gerðarbeiðandi, og getur fært sönnur á rétt sinn með skriflegum sönnunargögnum heimilt að beina til héraðsdómara beiðni um að hlutur sé tekinn úr vörslu þess sem hlutinn hefur, gerðarþola, og afhentur þeim er réttinn á. Samtök lánþega hafa bent stjórnvöldum á að fjármögnunarleigufyrirtæki svipti umráðamenn bifreiða vörslu þeirra og segir fyrirtækin byggja slíka vörslusviptingu á samningum sem dæmdir hafi verið ólögmætir. Um sé að ræða lánasamninga en ekki leigusamninga, fjármögnunarleigufyrirtækin séu þannig ekki eigendur tækjanna og þeim sé því með öllu óheimilt að ganga inn á heimili lánþega og umráðamanna bifreiðanna og taka þær úr vörslu þeirra síðarnefndu án þess að fyrir því sé skýr aðfararheimild, samanber 78. grein laga um aðför nr. 90/1989. Nauðsynlegt sé að stjórnvöld grípi þegar inn í og stöðvi vörslusviptingar á eignum fólks sem og starfshætti þá sem þessi fjármögnunarleigufyrirtæki beita.

Nær 1.000 milljarðar í orkufjárfestingar til ársins 2020

"Þegar þetta allt er tekið saman verða fjárfestingar vegna orkumannvirkja og samhliða uppbyggingu í iðnaði um 8 milljarðar dollara eða 917 milljarðar kr. til ársins 2020 og næðu hámarki á bilinu 2015-2019 í um einn milljarð dollara á ári eða 115 milljarða kr.“

Skötuselsfé fer í atvinnusköpun

Styrkjum hefur verið úthlutað úr verkefninu Atvinnusköpun í Sjávarbyggðum, sem byggir á tekjum af sölu aflaheimilda í skötusel. Mikill áhugi var á verkefninu en alls bárust 123 umsóknir víðs vegar að af landinu.

Katla of íslensk fyrir olíulind en ekki Krafla

Norska olíufélagið Statoil hefur hætt við að nota heitið Katla um olíulind í Noregshafi, vegna tilmæla frá norsku málnefndinni, sem þótti óæskilegt að nota nafn sem tengdist Íslandi. Statoil virðist hins vegar ekki alveg afhuga því að nota íslensk nöfn því nú hefur önnur olíulind skammt frá fengið heitið Krafla.

Jan Mayen gæti orðið þjónustumiðstöð fyrir olíuleit

Aukin áhersla á rannsóknir og olíuleit á nýjum svæðum, eins og í Barentshafi og umhverfis Jan Mayen, er meðal þess sem ríkisstjórn Noregs boðar í nýrri skýrslu til Stórþingsins um olíuiðnaðinn. Helsta markmiðið er að tryggja arðbæra olíu- og gasvinnslu til langrar framtíðar til að stuðla að auknum lífsgæðum í Noregi.

EFTA dómstólinn dæmir gegn Íslandi

Í dómi sem kveðinn var upp í dag komst EFTA-dómstóllinn að þeirri niðurstöðu að Ísland hafi brotið gegn skuldbindingum sínum samkvæmt tilskipun Evrópuþingsins og ráðsins um störf erlendra starfsmanna sem vinna tímabundið á vegum erlendra fyrirtækja á Íslandi.

Vísitala framleiðsluverðs hækkar töluvert

Vísitala framleiðsluverðs í maí var 216,9 stig og hækkaði um 1,6% frá apríl í ár. Þetta kemur fram á vefsíðu Hagstofunnar.

Líklegt að gengi krónunnar haldi áfram að veikjast

Líklegt er að gengisþróun krónunnar verði fremur til veikingar en styrkingar á næstunni. Því til rökstuðnings má benda á að gengi krónunnar í nýlegu útboði Seðlabanka Íslands var verulega lægra en opinbert gengi bankans.

Walker leitar að 1,5 milljarða punda láni til kaupa á Iceland

Malcolm Walker stofnandi og forstjóri Iceland keðjunnar ætlar ekki að gefast auðveldlega upp við að ná henni aftur í sína eigu.

Hætta á að Danmörk fái sama orðspor og Ísland í fjármálum

Jan Kondrup formaður samtaka smærri fjármálastofnanna í Danmörku segir að sú hætta sé til staðar að Danmörku fái á sig jafnslæmt orðspor í alþjóðafjármálum og Ísland fékk í kjölfar hrunsins árið 2008.

Seðlabankastjóri Afganistan yfirgefur landið

Abdul Fitrat seðlabankastjóri Afganistan hefur sagt upp starfi sínu og yfirgefið landið.

Kostnaðarverðbólga gengur yfir

Kostnaðarverðbólga gengur nú yfir þar sem áhrif vegna launahækkana, hækkandi hrávöruverðs og veikingar krónunnar koma fram á sama tíma.

Stuðningur heldur niðri kostnaði við landslið

„Stuðningur Samskipa er afar mikilvægur og hefur þau áhrif að auðveldara er að halda niðri kostnaði við mótshald og útgerð landsliða, sem ella myndi lenda á hestamönnum og mótsgestum að greiða í formi hærri aðgangseyris og þátttökugjalda.“

Tólf mánaða verðbólga 4,2%

Vísitala neysluverðs hækkaði um 0,5 prósent í júní samkvæmt tölum frá Hagstofunni. Tólf mánaða verðbólga er þar með 4,2 prósent og hefur ekki mælst hærri síðan í ágúst á síðasta ári.

Mál vegna skuldabréfs Björgólfs Guðmundssonar fellt niður

Sérstakur saksóknari hefur fellt niður rannsókn á peningamarkaðssjóðum Landsbankans vegna kaupa á skuldabréfi Björgólfs Guðmundssonar.

MeGas metanvæðir á fimmta tug bíla fyrir borgina

Reykjavíkurborg auglýsti á dögunum eftir tilboðum í 49 bifreiðar með tvíeldsneytisvél, sem gengur fyrir metani og bensíni. Ingvar Helgason og Bifreiðar og landbúnaðarvélar áttu lægsta tilboðið með Hyundai i10 bifreiðum, í samstarfi við MeGas ehf. sem sér um að uppfæra bifreiðarnar svo þær gangi fyrir metangasi. Fyrirtækið MeGas hóf starfsemi í október síðastliðnum og sérhæfir sig í sölu, ísetningu og þjónustu á metaneldsneytiskerfum, að því er fram kemur í tilkynningu.

Samþykktar kröfur í Eyrarodda nema 52 milljónum

Heildarfjárhæð krafna í þrotabú Eyrarodda á Flateyri nemur rúmum 275 milljónum króna. Á heimasíðu Bæjarins Besta á Ísafirði er haft eftir skiptastjóra þrotabúsins að 154 kröfulýsingar hafi verið lagðar fram í heild sinni en að samþykktar kröfur nemi rúmum 52 milljónum króna. Fyrirtækið var úrskurðað gjaldþrota í janúar. Á Bæjarins Besta kemur einnig fram að skiptafundur verði haldinn í dag og er hann opinn öllum kröfuhöfum.

Jane Norman lokar - Saints opnar

Verslun Jane Norman sem Hagar rekur í Smáralindinni verður lokað á næstunni en í sama húsnæði munu Hagar opna Saints-verslun.

Arion innleiðir skjalakerfi frá Skýrr

Arion banki hefur undirritað samstarfssamning við Skýrr um umfangsmikla innleiðingu á EMC Documentum-skjalakerfi og gagnageymslu frá alþjóðlega upplýsingatæknifyrirtækinu EMC. Samningurinn felur í sér viðamiklar breytingar og framþróun á skjalavistun og gagnameðhöndlun Arion banka.

Jane Norman tekin til gjaldþrotaskipta

Breska tískuvörukeðjan Jane Norman var í morgun tekin til gjaldþrotaskipta. Níutíu verslunum hefur verið lokað og um 1.600 starfsmönum sagt upp. Jane Norman rak verslanir meðal annars á Englandi, Skotlandi og Danmörku. Auk þess reka Hagar eina verslun á Íslandi, í Smárlindinni. Sú verslun er enn opin. Kaupþing og Baugur keyptu verslunina árið 2005 fyrir ríflega 117 milljónir punda, sem eru 22 milljarðar króna á núvirði. Endurskoðunarfyrirtækið Zolof Cooper reynir nú að selja verslunarkeðjuna en Debenhams hafði áður komið með yfirtökutilboð ðí keðjuna sem var hafnað.

Flugfélag Íslands kaupir tvær vélar

Flugfélag Íslands hefur keypt tvær Dash-8 farþegavélar. Kaupverðið er um einn og hálfur milljarður króna. Vélarnar eru nú í breytingu í Kanada til að auka flugþol þeirra en markmið félagsins með kaupunum er að fjölga áætlunarferðum á milli Íslands og Grænlands.

Walker ræðir við Goldman Sachs um kaupin á Iceland

Malcolm Walker forstjóri Iceland Foods verslunarkeðjunnar á nú í viðræðum við nokkra banka um lánveitingu til þess að geta keypt keðjuna af skilanefnd Landsbankans. Þetta kemur fram í blaðinu The Times.

Ársverðbólgan komin í 4,2%

Síðastliðna tólf mánuði hefur vísitala neysluverðs hækkað um 4,2% og vísitalan án húsnæðis einnig um 4,2%. Undanfarna þrjá mánuði hefur vísitala neysluverðs hækkað um 2,2% sem jafngildir 9,2% verðbólgu á ári (7,9% verðbólgu fyrir vísitöluna án húsnæðis).

Heimsmarkaðsverð á olíu lækkar áfram

Verð á hráolíu heldur áfram að lækka. Í morgun var tunnan af Brentolíu komin niður í 103,5 dollara og hafði lækkað um 1,6 dollara á mörkuðum í Asíu í nótt. Verðið á bandarísku léttolíunni er komið niður í rétt rúma 90 dollara á tunnuna.

Hætta á nýrri bylgju bankagjaldþrota í Danmörku

Gjaldþrot danska smábankans Fjordbank Mors fyrir helgina gæti þýtt það að ný bylgja af bankagjaldþrotum sé í uppsiglingu í Danmörku.

Viðskiptasamningar upp á milljarð punda

Wen Jiabao forsætisráðherra Kína er nú í opinberri heimsókn í Bretlandi. Breskir viðskiptamenn vonast til að Jiabao og David Cameron forsætisráðherra Breta muni undirrita viðskiptasamninga upp á um milljarð pund eða um 186 milljarða króna þegar þeir hittast seinna í dag.

Vilja lögfesta aga í ríkisfjármálum

Efnahags- og framfarastofnunin, OECD, leggur til að agi í ríkisfjármálum verði lögfestur hér á landi til að hægt verði að greiða niður skuldir ríkissjóðs. Hætta sé á að skuldastaðan fari yfir hættumörk ella.

Skeljungur selur samkeppnisaðilum höfuðstöðvar sínar

Olíufélagið Skeljungur hefur selt höfuðstöðvar sínar á Hólmaslóð 8–10 til olíuflutningafyrirtækisins Olíudreifingar, sem er í 60 prósenta eigu N1 og 40 prósenta eigu Olís samkvæmt frétt sem birtist á vefsíðu DV.

Hundrað ungmenni fá vinnu hjá Alcoa á Reyðarfirði

Um eitt hundrað ungmenni eru í sumarvinnu hjá Alcoa Fjarðaáli á Reyðarfirði og eru flest þeirra framhaldsskóla eða háskólaskólanemar samkvæmt tilkynningu frá fyrirtækinu. Elína Jónsdóttir sérfræðingur í mannauðsteymi fyrirtækisins segir að um 500 umsóknir hafi borist frá ungu fólki um sumarstörf.

Sex flugferðum aflýst náist ekki samningar fyrir miðnætti

Kjaradeila atvinnuflugmanna hjá Icelandair er enn óleyst. Félagið mun þurfa að aflýsa sex flugferðum til viðbótar aðfararnótt mánudags hafi ekki samist fyrir miðnætti í kvöld.

Móðurfélag Olís í gjörgæslu Landsbankans

Landsbankinn mun hugsanlega taka Olís yfir vegna erfiðrar skuldastöðu núverandi eigenda félagsins. Bankinn fer sér þó hægt og segist vera að vinna með eigendunum en Olís hefur ekki birt ársreikninga frá árinu 2007.

Héldu áfram þrátt fyrir kreppu

„Menn kunna að meta það úti að við héldum áfram í hruninu. Þetta hefur ekki verið auðveldur tími,“ segir Úlfar Steindórsson, forstjóri Toyota-umboðsins á Íslandi. Hann og Kristján Þorbergsson, framkvæmdastjóri hjá Toyota, hafa keypt 60 prósenta hlut í umboðinu af Landsbankanum.

Skattlagning á rafbókum er byggð á misskilningi

Allar bækur, á hvaða formi sem þær eru, jafnt prentaðar sem rafrænar, eiga að bera lægsta mögulega virðisaukaskatt sem völ er á. Þetta segir Fergal Tobin, formaður Samtaka evrópskra bókaútgefenda, hagsmunasamtaka forleggjara innan aðildarríkja Evrópusambandsins og landa sem aðild eiga að Evrópska efnahagssvæðinu, EES.

Hátt í 300 ársverk vegna námsmannaíbúða

Ríkisstjórnin samþykkti í dag fjárheimildir fyrir Íbúðalánasjóð sem tryggja fjármögnun stúdentagarða í Vatnsmýrinni. Um er að ræða 280 námsmannaíbúðir og geta framkvæmdir hafist í haust, en áætlað er að þær skapi um 300 ársverk.

Landsbankinn mun áfram eiga hlut í Toyota

Úlfar Steindórsson, núverandi forstjóri Toyota á Íslandi, og Kristján Þorbergsson, framkvæmdastjóri fjármálsviðs, muni halda um stjórnvölinn hjá Toyota á Íslandi til frambúðar, að því er fram kemur í tilkynningu frá Landsbankanum. Þetta er gert með samþykki Toyota Motor Europe, TME, sem er dreifingaraðili Toyota í Evrópu og ákveður hver fer með umboð fyrir félagið í hverju landi. Úlfar og Kristján munu eignast 60% hlut í félaginu en Landsbankinn heldur eftir 40% hlut. Landsbankinn mun þó ekki koma að daglegum rekstri félagsins

Íslandsbanki í samstarf við Hof á Akureyri

Íslandsbanki hefur gert þriggja ára samstarfssamning við Menningarhúsið Hof á Akureyri. Menningarhúsið hefur verið starfrækt í tæpt ár og hafa vel á annað hundrað þúsund manns heimsótt það á þeim tíma.

Draghi ráðinn seðlabankastjóri ECB

Leiðtogar Evrópusambandsins hafa ákveðið að Mario Draghi verði næsti seðlabankastjóri evrópska seðlabankans (ECB). Þetta var ákveðið á fundi leiðtoganna sem nú stendur yfir í Brussel.

Hrein eign heimilanna losar 3.700 milljarða

Hrein eign heimilanna í landinu losar 240% af landsframleiðslu eða 3.700 milljarða kr. Er þetta umtalsverð eign sem stendur þrátt fyrir hrun bankakerfisins og þá kreppu sem íslensk samfélag hefur tekist á við á undanförnum árum með tilheyrandi lækkun á verði eigna og hækkun á verðtryggðum og gengisbundnum lánum.

Viðamikil skattaundanskot Dana koma upp úr kafinu

Dönsk skattayfirvöld hafa komist á sporið um viðamikil skattaundanskot Dana sem geyma fé sitt á reikningum víða um heiminn en hafa aldrei borgað lögboðinn skatt af því.

Grikkir fá meiri neyðaraðstoð með skilyrðum

Evrópusambandið og Alþjóðagjaldeyrissjóðurinn ákváðu í gærkvöldi að Grikkland gæti fengið meiri neyðaraðstoð frá og með 1. júlí næstkomandi.

Fjárhagsmálefni OR rannsökuð

Borgarráð hefur skipað úttektarnefnd sem fara mun yfir málefni Orkuveitu Reykjavíkur (OR). Rannsaka á þá þætti sem leiddu til núverandi fjárhagsstöðu fyrirtækisins.

Óheimilt að beita vörslusviptingu

Héraðsdómur Reykjaness úrskurðaði í dag að Íslandsbanka væri óheimilt að beita vörslusviptingu ef skuldari hefur leitað nauðasamnings. Lögmaður skuldara segir ljóst að kanna þurfi réttarstöðu þeirra sem sætt hafa vörslusviptingu.