Brot á jafnræðisreglu að afskrifa skuldir æðstu stjórnenda Kaupþings

Það er brot á jafnræðisreglu hlutabréfalaga að afskrifa skuldir æðstu stjórnenda Kaupþings, segir formaður félags fjárfesta. Þá segir hann ekki réttlætanlegt að bera við bankaleynd vegna einstakra viðskiptamanna.

Gengisfall krónunnar hefur hækkað verulega skuldir heimilanna

Skuldir heimila við innlánsstofnanir jukust um 23% frá áramótum til septemberloka, að mestu leyti vegna beinna og óbeinna áhrifa af gengisfalli krónunnar.

Ástralir lækka stýrivexti sína

Seðlabanki Ástralíu lækkaði stýrivexti sína um 0,75 prósentustig niður í 5,25%. Vextir hafa nú ekki verið lægri í Ástralíu síðan í mars 2005 en ástralski dollarinn hefur líkt og íslenska krónan verið í klúbbi hávaxtamynta undanfarin misseri.

SÍ segir að greiðslumiðlun til og frá Bretlandi gangi betur

Seðlabanki Íslands segir að greiðslumiðlun til og frá Bretlandi gangi nú mun betur en áður. Hafa ber þó áfram í huga að greiðslur taka almennt lengri tíma að berast en áður en vandkvæðin komu upp fyrir um mánuði síðan.

Atorka greiddi hæstu meðallaunin á síðasta ári

Atorka Group greiddi hæstu meðallaunin á Íslandi á síðasta ári samkvæmt úttekt Frjálsrar verslunar á 300 stærstu fyrirtækjum landsins. Meðallaunin þar námu rétt tæpum 15 milljónum kr. á árinu.

Sögulegur listi Frjálsrar verslunar yfir 300 stærstu

Frjáls verslun birtir í dag lista sinn yfir 300 stærstu fyrirtækin á Íslandi á síðasta ári. Segir í blaðinu að listann beri að skoða í sögulegu ljósi enda mörg af toppfélögunum á honum horfin eins og t.d. Kaupþing, Landsbankinn og Glitnir sem skipa þrjú efstu sætin.

Færeyjabanki hækkar mest í Kauphöllinni

Gengi hlutabréfa í Færeyjabanka hækkaði um 3,48 prósent í fyrstu viðskiptum dagsins í Kauphöllinni í dag. Þá hækkaði Össur um 1,12 prósent. Bakkavör lækkaði á móti um 1,191 prósent.

Framtíð fjárfestingarbankans Carnegie ræðst á mánudag

Framtíð fjárfestingarbankans Carnegie mun ráðast næsta mánudag að því er segir í Dagens Industri. Sem stendur er bankanum haldið gangandi með fleiri milljarða sænskra kr. aðstoð frá sænska seðlabankanum.

Tap heimsins á íslensku bönkunum 17 milljónir kr. á hvern Íslending

Tap banka og fjármálastofnana heimsins á íslensku bönkunum samsvarar 17 milljónum kr. á hvern Íslending. Í dag hefst fyrsta uppboðið af þremur á skuldatryggingum íslensku bankanna og er það Landsbankinn sem er fyrstur.

Íhugar að kæra einstaka stjórnarmenn Glitnis

Stjórnarformaður Útflutningsbankastofnunar ríkis og fjármálafyrirtækja, Eksportfinans, í Noregi íhugar að kæra stjórnarmenn í gamla Glitni á Íslandi til lögreglu ef stofnunin fái ekki án tafar til baka þær 415 milljónir norskra króna sem hún telur að Glitnir hafi stungið undan.

Hagnaður Færeyjabanka eykst um 100%

Færeyjabanki hagnaðist um 48,8 milljónir danskra króna, jafnvirði eins milljarðs króna, á þriðja ársfjórðungi. Á sama tíma í fyrra nam hagnaðurinn 22,2 milljónum króna og hefur hann því aukist um 119 prósent á milli ára.

Heimsmarkaðsverð á olíu undir 60 dollara á tunnuna

Heimsmarkaðsverð á olíu fór undir 60 dollara á tunnuna á mörkuðum í Asíu í morgun. Um var að ræða Norðursjávarolíu til afhendingar í desember. Verð á svokallaðri léttolíu er komið í 63.30 dollara.

Nokkur tilboð bárust í þrotabú Sterling

Nokkur kauptilboð bárust í þrotabú Sterling flugfélagsins í Danmörku en frestur til að skila inn tilboðunum rann út á miðnætti í gærkvöldi. Að sögn eins skiptastjórans er um fjársterka aðila að ræða.

Asískar vísitölur upp og niður

Japanska Nikkei-vísitalan hækkaði um rúmlega fimm prósentustig í morgun en flestar aðrar vísitölur álfunnar lækkuðu lítillega fyrir utan kóresku KOSPI-vísitöluna sem hækkaði um rúmt prósentustig.

Danskir starfsmenn Sterling fá launin sín á morgun

Danskir starfsmenn danska flugfélagsins Sterling fá laun sín fyrir októbermánuð greidd á morgun. Frá þessu greinir á fréttavefnum business.dk.

Hlutabréf beggja vegna núllsins

Helstu hlutabréfavísitölur í Bandaríkjunum enduðu beggja vegna núllsins á fyrsta viðskiptdegi nýs mánaðar. Eins og fram kom á föstudag var október einn versti mánuður sem bandarískir fjárfestar hafa séð síðan í október fyrir 21 ári síðan.

BT óskaði eftir gjaldþrotaskiptum í dag

Á undanförnum dögum og vikum hefur verið róið að því öllum árum að tryggja áframhaldandi rekstur BT í óbreyttri mynd en án árangurs. Óskað var eftir gjaldþrotaskiptum í dag, mánudag.

Landsbankinn veitti starfsmönnum ekki lán fyrir hlutabréfakaupum

Landsbanki Íslands hf. veitti starfsmönnum sínum ekki lán fyrir hlutabréfakaupum í bankanum sem hluta af starfskjörum. Því hefur ekki verið um neinar niðurfellingar skulda starfsmanna eða félaga þeirra að ræða hjá bankanum.

Ein lánalína til og frá landinu

Ef Sparisjóðabankinn fer í þrot, sem líkur eru á að gerist, verður hér aðeins ríkisbankastarfsemi. Það þýddi ein lánalína til og frá landi með tilheyrandi áhættu, segir bankastjóri Sparisjóðabankans.

Icelandic Group: 160 milljón evra hlutafjáraukning

Stjórn Icelandic Group hf. hefur boðað til hluthafafundar þriðjudaginn 11. nóvember nk. Fyrir fundinn verður lögð tillaga um lækkun hlutafjár til jöfnunar á uppsöfnuðu tapi og í kjölfarið tillaga um hlutafjárhækkun. Verði tillögurnar samþykktar mun Eignarhaldsfélagið IG ehf., sem m.a. er í eigu Brims hf. og Hraðfrystihússins Gunnvarar hf., skrá sig fyrir hlutafjáraukningunni og um leið verða stærsti hluthafi Icelandic Group.

Engin ákvörðun verið tekin um uppgjör skulda í Kaupþingi

Tölvupóstar hafa gengið ljósum logum um Netheima í dag þar sem því er haldið fram að skuldir yfirmanna hjá Kaupþingi við bankann hafi verið strikaðar út. Þetta hafi verið ákveðið til þess að viðkomandi aðilar kæmust hjá gjaldþroti, en stjórnendur banka mega ekki vera gjaldþrota samkvæmt lögum. Vísir hefur leitað eftir viðbrögðum frá bankanum í dag og hefur bankinn sent frá sér eftirfarandi yfirlýsingu.

Century Aluminum hækkaði mest

Gengi hlutabréfa í Century Aluminum, móðurfélagi álversins á Grundartanga, hækkaði um 19,46 prósent í Kauphöllinni í dag og er það mesta hækkun dagsins. Á eftir fylgdi gengi bréfa í hinum færeyska Eik banka, sem fór upp um 2,77 prósent.

Krónan fellur um 4,6 prósent

Gengi íslensku krónunnar féll óvænt um 4,6 prósent á gjaldeyrismarkaði í dag og rauk gengisvísitalan upp í 217 stig áður en hún tók að gefa lítillega eftir. Til marks um hreyfinguna stóð gengisvísitalan í kringum 207 stig frameftir degi og þar til hún skaust upp á við eftir hádegið.

Skuldatryggingauppboð að hefjast, Landsbanki fyrstur undir hamarinn

Uppboð á skuldatryggingum íslensku bankanna hefjast í þessari viku. Landsbankinn er fyrstur undir hamarinn á morgun. Reiknað er með að þeir sem seldu tryggingarnar og ábyrgðust þar með lán bankanna þurfi að borga 97% af andvirði þeirra.

Kaupþingsprinsar breyttust í einkahlutafélög korteri fyrir þjóðnýtingu

Ingvar Vilhjálmsson og Frosti Reyr Rúnarsson, sem starfa báðir hjá Kaupþingi, stofnuðu báðir einkahlutafélag í sömu viku og bankinn var þjóðnýttur. Ingvar færði hlut sinn í bankanum í einkahlutafélagið en Frosti Reyr ekki að sögn upplýsingafulltrúa bankans.

Fjármagnsflótti frá landinu upp á hundruði milljarða kr. framundan

Greining Glitnis gerir ráð fyrir því að erlendir fjárfestar muni grípa fyrsta tækifæri sem gefst til að losa sig við nokkur hundruð milljarða kr. í bréfum Seðlabankans. Þetta gerist um leið og krónan verður sett á flot aftur og skiptir þá engu hve háir stýrivextirnir verða.

Viðar Þorkelsson nýr forstjóri Landic

Viðar Þorkelsson hefur verið ráðinn forstjóri Landic Property í stað Skarphéðins Berg Steinarssonar og tekur strax til starfa.

Samkomulag um yfirtöku Árvakurs á Fréttablaðinu stendur

Það hefur enginn stefnubreyting orðið af hálfu 365 varðandi það samkomulag sem gert var um að Fréttablaðið renni inn í Árvakur og 365 eignist hlut í félaginu. Þetta segir Ari Edwald, forstjóri 365, í samtali við Vísi.

Spáir óbreyttum stýrivöxtum

Greining Glitnir gerir ráð fyrir að stýrivextir Seðlabankans verði óbreyttir í 18% eftir vaxtaákvörðunardag bankans næstkomandi fimmtudag.

Viðar nýr forstjóri Landic

Viðar Þorkelsson hefur verið ráðinn forstjóri fasteignafélagsins Landic Property í stað Skarphéðins Berg Steinarssonar og tekur strax til starfa.

Sjælsö-stjórinn sér möguleika í fjármálakreppunni

Flemming Jensen forstjóri Sjælsö Gruppen segir að þótt verulega hafi þrengst um lánamöguleikana hjá v iðskiptavinum félagsins gefi fjármálakreppan stórum aðilum eins og Sjælsö ýmsa möguleika.

Glitnir AB í Svíþjóð verður að HQ Direct

Fjárfestingabankinn HQ AB í Svíþjóð keypti alla hluti í Glitni AB í síðasta mánuði og nú hefur verið formlega gengið frá málinu. Héðan í frá mun Glitnir AB heita HQ Direct.

Bakkavör hækkar á rólegum degi

Gengi hlutabréfa í Bakkavör hækkaði um 1,35 prósent í einum viðskiptum upp á 40 þúsund krónur í Kauphöllinni í dag. Þetta er jafnframt eina hreyfingin á íslenskum hlutabréfamarkaði.

Gríðarlegt tap hjá HBOS í Bretlandi

Gríðarlegt tap varð hjá HBOS, næststærsta banka Bretlands, á þriðja ársfjórðung. Nam það 2,7 milljörðum punda eða hátt í 600 milljörðum kr.. HBOS tapaði töluvert á hruni íslensku bankanna eða 150 milljónum punda eða um 30 milljörðum kr.

Dótturfélag Opinna kerfa Group í Danmörku gjaldþrota

Kerfi A/S., dótturfélag Opin Kerfi Group hf., var tekið til gjaldþrotaskipta hjá Sö- og handelsretten í Kaupmannahöfn þann 24. október sl. samkvæmt beiðni stjórnar félagsins.

Hagnaður Société Générale dregst verulega saman

Hagnaður franska risabankans Société Générale nam 183 milljónum evra á þriðja ársfjórðungi. Þetta er 84 prósenta samdráttur á milli ára.

Commerzbank leitar á náðir ríkisins, tapaði miklu á íslensku bönkunum

Þýski bankinn Commerzbank fær nú aðstoð frá sérstökum stöðugleikasjóð þýsku stjórnarinnar SoFFin. Um er að ræða 8,2 milljarða evra í nýju hlutafé sem þó er án atkvæðisréttar og 15 milljarða evra í viðbót sem tryggingu fyrir skuldbindinum sínum.

Lífeyrissjóðshluti Kaupþings í Svíþjóð seldur

Hópur starfsmanna hjá gamla Kaupingi í Svíþjóð hefur keypt lífeyrissjóðshluta starfseminnar eftir því sem erlendir miðlar greina frá.

Landic Property segir upp fimmtungi starfsfólksins

Landic Property í Danmörku hefur sagt upp fimmtungi starfsfólks síns eða 20-25 manns. Þar á meðal eru nokkrir stjórnendur.

Segir Hótel D´Angleterre komið í eigu íslenska ríkisins

Danska blaðið Berlingske Tidenede segir í dag að þekktasta hótel Norðurlanda, D´Angleterre í Kaupmannahöfn sé komið í eigu íslenska ríkisins í gegnum Nýja Landsbankann.

Asísk hlutabréf hækkuðu í morgun

Hlutabréf á Asíumörkuðum hækkuðu í morgun, alls staðar nema í Japan. Þar lækkaði Nikkei-vísitalan um fimm prósentustig en í Suður-Kóreu og Ástralíu hækkuðu vísitölur um tæp þrjú prósentustig.

Sterling-miðaeigendur mynda samtök

Dani, sem átti flugmiða með Sterling-flugfélaginu, eftir að það varð gjaldþrota í síðustu viku, ætlar að mynda samtök meðal fólks sem er eins ástatt með, og gera sameiginlega kröfu í þrotabúið.

Reiður AC/DC-aðdáandi vill stofna félag vegna krafna í þrotabú Sterling

Danskur karlmaður, sem sem átti bókað far með danska flugfélaginu Sterling, íhugar að stofna félag til þess að halda utan um kröfur þess mikla fjölda viðskiptavina sem töpuðu flugmiðum á gjaldþrotinu.

Nokkrir hafa sýnt áhuga á að kaupa Sterling um helgina

Nokkrir aðilar hafa sýnt því áhuga yfir helgina að kaupa þrotabú Sterling flugfélagsins. Lokafrestur til að skila inn tilboðum í búið rennur út á miðnætti á morgun, mánudag.

Peningamarkaðssjóðir aldrei borgað jafn lítið og þeir íslensku

Aldrei í sögunni hafa peningamarkaðssjóðir borgað eins lítið út og þeir íslensku hafa gert eftir að þeir voru leystir upp í liðinni viku. Vilhjálmur Bjarnason, aðjúnkt við Háskóla Íslands segir fallið mikið og ábyrgð bankanna mikla.