Segir áhættumest að fjárfesta á Íslandi

Það áhættumest að fjárfesta á Íslandi samkvæmt Credit Suisse. Alls voru 35 ríki skoðuð og trónir Ísland þar efst á lista.

Meirihluti Dana er nú hlynntur því að taka upp evruna

Meirihluti Dana er nú fylgjandi því að taka upp evruna sem gjaldmiðil. Þetta kemur fram í nýrri skoðanakönnun sem birt er í blaðinu Politiken í dag.

Nauðsynlegt að bjarga Skífunni

Það yrði gífurlegt áfall fyrir Senu ef að Skífan færi í gjaldþrot og aðgengi Senu að geisladiskamarkaðnum myndi stöðvast. Þetta er ástæða þess að Sena ákvað að kaupa Skífuna af Árdegi. Samningar þess efnis voru undirritaðir í gær.

Icesave-peningar ekki til Marels

Inneignir Icesave-reikninga í Hollandi fóru ekki í að fjármagna kaup Marel Food Systems á Stork Food Systems.

Segja að Baugur geti komið Íslandi til bjargar

Jón Ásgeir Jóhannesson stjórnarformaður Baugs og Gunnar Sigurðsson forstjóri fyrirtækisins segja báðir að fyrirtækið geti staðið af sér þann ólgusjó sem það hefur komist í. Þeir geti jafnvel hjálpað til við að koma Íslandi út úr efnahagsneyðinni sem landið er nú statt í. Þetta segja þeir í samtali við breska blaðið Financial Time.

Sena kaupir Skífuna

Afþreyingafyrirtækið Sena hefur keypt Skífuna, sem rekur verslanir í Kringlunni, á Laugavegi og í Flugstöð Leifs Eiríkssonar, af Árdegi. Samningur þess efnis var undirritaður í gær.

Þeir ríku verða ríkari …

„Mun þessi vinningur hafa merkjanleg áhrif á líf mitt? Nei,“ sagði Keenan Altunis, 33 ára, þegar hann tók við fyrstu greiðslunni af „Ein milljón á ári“-vinningi ríkishappdrættis New York. Altunis, sem vinnur hjá fjárfestingarbanka í London og er margmilljónamæringur, mun héðan í frá þiggja eina milljón í viðbót, á ári.

Bandarískir fjárfestar hafa ekki séð það svartara í 21 ár

Gengi hlutabréfa hækkaði almennt í plús í Bandaríkjunum í dag. Fjárfestar hafa ekki séð það svartara vestanhafs í einum mánuði í 21 ár, eða síðan í október árið 1987.

Alfesca hækkaði um rúm 27 prósent

Gengi hlutabréfa Alfesca skaust upp um 27,27 prósent í Kauphöllinni í dag. Þetta er mesta hækkunin. Á sama tíma féll gengi bréfa í Atorku 23,08 prósent.

Kaupþing hækkar óverðtryggða vexti inn- og útlána

Vegna 6% hækkunar á stýrivöxtum Seðlabanka Íslands hefur Nýja Kaupþing ákveðið hækkanir óverðtryggðum vöxtum inn og útlána.

Fá greitt 75,1% úr Skammtímasjóði Kaupþings

Hlutdeildarskírteinishafar í Kaupþingi Skammtímasjóði fá greitt úr sjóðnum í dag. Greiðslan nemur 75,1% af eignum sjóðsins miðað við 3. október 2008. Um heildargreiðslu er að ræða.

Akrafellið hættir Íslandssiglingum

Í ljósi þeirra efnahagsþrenginga sem dunið hafa yfir þjóðina og minnkandi vöruinnflutnings til landsins hefur siglingaáætlun Samskipa til og frá Íslandi verið endurskoðuð. Eins og greint var frá í gær munu þrjú skip annast flutninga félagsins á þessari leið, í stað fjögurra áður.

Þriðjungur tekna gufaði upp á einni nóttu

„Það veit enginn," er svar Björgólfs Jóhannssonar forstjóra Icelandair við spurningu Dagens Industri um framtíð Icelandair. Hann leggur þó áherslu á að félagið standi þótt fjármálakrísan á Íslandi hafi leikið það grátt.

Sjælsö Gruppen í vandræðum - minnkar væntingar um 50%

Sjælsö Gruppen á í vandræðum þessa stundina og hefur dregið úr væntingum sínum um hagnað ársins um 50%. Áður taldi Sjælsö Gruppen að hagnaðurinn yrði á bilinu 5-700 milljónir danskra kr, en nú telur félagið að hann liggi á milli 250 til 300 milljón danskra kr. eða um 6 milljarða kr.

Icesave-peningar fóru ekki í kaup á Stork

Inneignir af Icesave-reikningum í Hollandi fóru ekki í að fjármagna kaup Marel Food Systems á Stork Food Systems þar í landi. Hörður Arnarson, forstjóri Marel Food Systems, segir fullyrðingar um annað í hollenska blaðinu Volkskrant vera rangar.

Eigendur í sjóði Kaupþings fá 85 prósent greitt til baka

Viðskiptavinir gamla Kaupþings sem áttu fé í Peningamarkaðssjóði fá í dag endurgreitt úr sjóðnum og nemur greiðslan 85,3 prósentum af eignum sjóðsins.

Töluvert dregur úr tapi Atlantic Petroleum

Töluvert dró úr tapi Atlantic Petroleum á þriðja ársfjórðungi ársins miðað við sama tíma í fyrra. Tap félagsins eftir skatt nemur nú tæpum 3,8 milljónum danskra kr. eða um 80 milljónum kr.. Á sama tímabili í fyrra nam tapið rúmlega 11 milljónum danskra kr..

Landsbankinn hækkar vexti í framhaldi af stýrivaxtahækkun

Landsbankinn hefur ákveðið að hækka vexti sína í framhaldi af sex prósentustiga stýrivaxtahækkun Seðlabankans.

Fé af Icesave-reikningum í Hollandi var lánað til Stork Food

Í ljós hefur komið að fé af Icesave-reikningum í Hollandi var lánað til Stork Food þar í landi. Stork er svo aftur í eigu Marel.

Stefnir í versta mánuð á Wall Street í 20 ár

Vísitölur á mörkuðum í Wall Street hafa lækkað við opnunina í dag og þar með stefnir í að október verði versti mánuður í sögu Wall Street undanfarin 20 ár.

Ólafur Teitur Guðnason ráðinn til Alcan

Ólafur Teitur Guðnason hefur verið ráðinn í stöðu framkvæmdastjóra Samskiptasviðs Alcan á Íslandi hf. Hann er fæddur 2. október 1973 og er kvæntur Engilbjörtu Auðunsdóttur og eiga þau tvo syni.

Magasin du Nord er hvorki gjaldþrota né til sölu

Carsten Fensholt talsmaður Magasin du Nord segir að verslunin sé hvorki gjaldþrota né til sölu. Mikill orðrómur hefur verið um þetta í Kaupmannahöfn eftir að Jón Ásgeir Jóhannesson sagði af sér sem stjórnarformaður Magasin og Illum í gær og vél jafnframt úr stjórninni.

Telur umsókn Íslands um neyðarlán hjá ESB tengjast IMF

Greining Glitnis telur að umsókn Íslands um framlag úr nýstofnuðum neyðarsjóði Evrópusambandsins (ESB) tengist aðkomu Alþjóðagjaldeyrissjóðsins (IMF) að uppbyggingu íslensk efnahafslífs að nýju.

Ólafur Teitur hættir hjá Straumi

Ólafur Teitur Guðnason hefur í dag látið af störfum sem fjölmiðlafulltrúi Straums-Burðaráss fjárfestingabanka hf. að eigin ósk.

Vill bjóða út stjórn Íslands vegna hæfileikaleysis ráðamanna

Heiðar Guðjónsson, forstjóri Novators, vill að stjórn Íslands verði boðin út vegna hæfileikaleysis ráðamanna við að glíma við fjármálakreppuna sem nú ríkir í landinu.

Vill að Grænland láni Íslandi eins og Færeyjar ætla að gera

Josef Motzfeldt einn af fulltrúum Grænlands á þingi Norðurlandaráðs vill að Grænlendingar láni Íslendingum eins og Færeyingar ætla að gera. Vandinn er bara sá að Grænlendingar glíma við viðvarandi halla á fjárlögum sínum.

FT fjallar um klofninginn í Sjálfstæðisflokknum vegna ESB

„Fyrsti alvarlegi klofningurinn í Sjálfstæðisflokknum um hvort flokkurinn eigi að ganga í Evrópusambandið er kominn í ljós eftir að varaformaður flokksins braut gegn stefnu hans og sagði að þjóðin ætti að íhuga aðild núna."

Bakkavör hækkar mest í byrjun dags

Bakkavör hefur hækkað um 3,16 prósent í dag og er það mesta hækkun dagsins. Gengið stendur í 4,9 krónum á hlut sem er um tíu aurum undir útboðsgengi bréfa í félaginu fyrir átta árum. Þá hefur Marel hækkað um tæp tvö prósent og bréf Eimskipafélagsins um 0,75 prósent.

Tvö önnur gjaldþrot í kjölfar Sterling

Gjaldþrot Sterlings hefur haft það í för með sér að tvö önnur dönsk félög eru einnig orðin gjaldþrota. Um er að ræða danskt dóttur félag bókunarfyrirtækisins Menzies Aviation og flugviðhaldsþjónustuna EAMS.

Markaðir í mínus í Evrópu

Alir helstu markaðir í Evrópu hafa opnað í mínus í morgun. Einna minnst lækka hlutabréf í kauphöllum Norðurlandanna.

Seðlabanki Japans lækkar stýrivexti niður í 0,3%

Seðlabanki Japans hefur ákveðið að lækka stýrivexti sína úr 0,5% og niður í 0,3%. Flestir sérfræðingar áttu von á að vextirnir yrðu lækkaðir í 0,25%.

Viðsnúningur á vöruskiptunum

Hagstofan hefur birt tölur um vöruskipti við útlönd fyrstu níu mánuði ársins. Vöruskipti í september voru hagstæð um 7,8 milljarða króna. Í mánuðinum voru fluttar út vörur fyrir 50,2 milljarða króna og inn fyrir 42,4 milljarða króna. Þetta er töluverður viðsnúningur því í september í fyrra voru vöruskiptin óhagstæð um 13,8 milljarða króna á sama gengi. Það sem af er ári er halli á vöruskiptunum upp á 42,6 milljarða sem er þó betri útkoma en fyrir ári þegar hallinn var 95,6 milljarðar. Vöruskiptajöfnuðurinn var því 53,0 milljörðum króna hagstæðari nú en á sama tíma árið áður.

Ísland fær aðgang að 25 milljarða evra neyðarsjóði ESB

Ísland mun fá aðgang að sérstökum 25 milljarða evra, eða tæplega 4.000 milljarða króna, neyðarsjóði Evrópusambandsins. Þetta kemur fram í frétt á fréttavef breska blaðsins Times.

SÍ kallar eftir gjaldeyri og varar við utanmarkaðsviðskiptum

Enn gengur hvorki né rekur hjá Seðlabanka Íslands að koma á gjaldeyrisviðskiptum við erlenda banka. Af þeim sökum hefur SÍ gripið til þess ráðs að biðla til þeirra sem eiga gjaldeyri að koma með hann á tilboðsmarkað bankans. Jafnframt varar bankinn við utanmarkaðsviðskiptum með gjaldeyri.

Samdráttur í bandarískri landsframleiðslu

Samdráttur sem nemur 0,3 prósentum varð í landsframleiðslu Bandaríkjanna á þriðja ársfjórðungi og hefur niðursveiflan ekki verið meiri síðan í kjölfar hryðjuverkaárásanna haustið 2001.

Google blandar sér í símaslaginn

Nýr sími sem notar alfarið hugbúnað frá leitarvélarisanum Google er kominn á markað í Bretlandi og er settur til höfuðs flaggskipunum iPhone og Blackberry.

Lækkun í Asíu - svartasti mánuður hingað til

Hlutabréf á Asíumörkuðum lækkuðu í verði í morgun og er nú ljóst að hlutabréfavísitölur álfunnar hafa aldrei litið jafnsvartan mánuð og þann sem lýkur í dag.

Stjórn IMF fjallar um umsókn Íslands 5. nóvember

Reiknað er með því að stjórn Alþjóðagjaldeyrissjóðsins taki fyrir beiðni Íslands um tveggja milljarða dollara lán á fundi á miðvikudaginn kemur, 5. nóvember.

House of Fraser opnar nýja verslun

House of Fraser opnaði í dag nýja verslun í Westfield verslunarmiðstöðinni í London. Þetta er fjórða verslunin sem opnuð er frá því að verslunarkeiðjan var keypt af Highland Group Holdings árið 2006. Fyrr á árinu opnaði House of Fraser nýjar verslandir í Belfast, High Wycombe og í Bristol. Nýja verslunin er 150 þúsund fermetrar að stærð. Nýja verslunin er á þremur hæðum.

Sterling hrapar til jarðar

Danska flugfélagið Sterling varð gjaldþrota í gærmorgun. Fyrrverandi eigandi Fons, félag í eigu Pálma Haraldssonar og Jóhannesar Kristinssonar, er stærsti kröfuhafinn í þrotabúið.

Lúxusbílar seljast enn í Sádí

Þó drossíurnar safni ryki á íslenskum bílasölum að eru ekki allir hættir að kaupa lúxusbíla. Bílasalar á lúxusbílasýningu í Sádi Arabíu veðja í það minnsta á það að ekkert dragi úr sölu á Ferrari, Macerati og öðrum fokdýrum farartækjum.

Jón Ásgeir segir sig úr stjórn Magasin og Illum

Jón Ásgeir Jóhannesson hefur sagt sig úr stjórn Magasin og Illum og lætur um leið af stjórnarformennsku í félaginu. Gunnar Sigurðsson forstjóri Baugs í London mun taka við stöðu Jóns Ásgeirs í stjórninni. Jón hefur hinsvegar tekið við sem stjórnarformaður Iceland í Bretlandi.

Tryggingarsjóður ber greiðsluskyldu vegna Edge

Fjármálaeftirlitið telur að Tryggingarsjóður innistæðueigenda beri greiðsluskyldu vegna Edge reikninga Kaupþings.

Salan í nýrri Hamleys verslun 60% yfir spám

Hamleys opnaði nýja leikfangaverslun var í Dublin í liðinni viku. Salan fyrstu vikuna fór 60 prósentum fram úr spám.

Danske Bank fær lán beint frá Seðlabanka Bandaríkjanna

Danske Bank stendur nú til boða að fá 29,5 milljarða dollara lán, eða rúmlega 3.000 milljarða kr., beint frá Seðlabanka Bandaríkjanna. Þetta staðfestir Tonny T. Andersen fjármálastjóri Danske Bank.